English | Telugu
అంచనాలు పెంచుతున్న సూర్య ' 24 ' టీజర్
Updated : Mar 5, 2016
వైవిధ్యమైన కథాంశాలు ఎంచుకునే హీరోగా సూర్యకు పేరుంది. అందుకే తమిళంతో పాటు తెలుగులో కూడా స్టార్ స్టేటస్ పొందగలిగాడు. గజిని, వీడొక్కడే, సూర్య సన్నాఫ్ కృష్ణన్, సెవెన్త్ సెన్స్, బ్రదర్స్ లాంటి వైవిధ్యమైన సినిమాలతో ఆకట్టుకున్న సూర్య ఇప్పుడు 24 గా రాబోతున్నాడు. ఇప్పటికే ఫస్ట్ లుక్ పోస్టర్స్ చాలా ఆసక్తి కలిగిస్తుంటే, లెటెస్ట్ గా రిలీజైన టీజర్ ప్రేక్షకుల్లో అంచనాల్ని మరింత పెంచేదిగా ఉంది. సినిమా సైన్స్ ఫిక్షన్ థ్రిల్లర్ అని ఇప్పటికే పోస్టర్స్ సూచిస్తున్నాయి. కథతో పాటు చాలా వైవిథ్యమైన కథనం ఉండబోతోందని సమాచారం.
సినిమాలో సూర్య అనేక గెటప్ లతో అలరిస్తున్నాడు. ఇష్క్, మనం లాంటి సూపర్ హిట్ చిత్రాల డైరెక్టర్ విక్రమ్ కె కుమార్ చిత్రాన్ని ఎలా తెరకెక్కించుంటాడోనన్న ఆసక్తి సినీజనాల్లో ఉంది. టీజర్ బట్టి చూస్తే, సూర్య మూడు పాత్రల్లో అలరించబోతున్నాడని అర్ధమవుతోంది. ఒక సైంటిస్ట్, విలన్, ప్రొఫెసర్. సినిమా మొత్తం ఒక వాచ్ చుట్టూ తిరుగుతుంది. అందుకే సినిమా టైటిల్ కూడా 24 అని పెట్టారు. టీజర్ తో ఇంట్రస్ట్ ను క్రియేట్ చేశారు. మరి సినిమా ఎలా ఉంటబోతోందో చూడాలి. 24 కు ఎ.ఆర్.రెహమాన్ సంగీతం అందిస్తుండగా, 2డి ఎంటర్ టైన్మెంట్ బ్యానర్ పై జ్ఞానవేల్ రాజా నిర్మిస్తున్నారు.