English | Telugu
దీపికకు ఎంగేజ్ మెంట్ అయిపోయిందా..?
Updated : Apr 28, 2016
సోషల్ నెట్ వర్కింగ్ అనేది కత్తి లాంటిది. కూరగాయలు కోస్తుంది. కోయడం రాకపోతే వేలును కోస్తుంది. ముఖ్యంగా సెలబ్రిటీలు ఏదైనా ట్వీట్ చేసేప్పుడో, ఫేస్ బుక్ లో పోస్ట్ చేసేప్పుడో జాగ్రత్తగా ఉండకపోతే, సీన్ లు తిరగబడుతుంటాయి. లేటెస్ట్ గా విషయం బాలీవుడ్ డ్రీమ్ గర్ల్ హేమమాలినికి తెలిసొచ్చింది. " దీపికా, నీ ఎంగేజ్ మెంట్ సందర్భంగా కంగ్రాట్యులేషన్స్. మీ ఇద్దరూ మంచి భవిష్యత్తుతో సంతోషంగా ఉండాలని కోరుకుంటున్నా " అని ఒక ట్వీట్ హేమమాలిని ఎకౌంట్ లో ప్రత్యక్షమైంది.
ఇది చూసిన బాలీవుడ్ జనాలందరూ, దీపికా పదుకుణేకు లవర్ రణ్ వీర్ సింగ్ తో ఎంగేజ్ మెంట్ అయిపోయింది అని చెవులు కొరుక్కోవడం మొదలెట్టేశారు. ఇది ఎంతలా స్ప్రెడ్ అయిందంటే, వెంటనే హేమ మళ్లీ " నేను విషెస్ చెప్పిన దీపిక నటి పదుకుణే కాదు. నా ట్విట్టర్ ఫాలోవర్ " అంటూ క్లారిటీతో ట్వీట్ చేయాల్సి వచ్చింది. ముందే ఆ దీపికను సర్ నేమ్ తో ట్వీట్ చేసి ఉంటే హేమమాలిని కు ఈ ఇబ్బంది ఉండకపోయేది. అందుకే అంటారు సోషల్ మీడియాను రెండు వైపులా పదునున్న కత్తి అని.