ర‌వితేజ‌కి స్టార్ డ‌మ్ తీసుకొచ్చిందెవ‌రు?ర‌వితేజ‌తో ఎక్కువ సినిమాలు చేసిందెవ‌రు?అస‌లు ర‌వితేజ‌కు లైఫ్ ఇచ్చిందెవ‌రు? వీట‌న్నింటికీ ఒక్క‌టే స‌మాధానం.. పూరి జ‌గ‌న్నాథ్‌. ఇట్లు శ్రావ‌ణి సుబ్ర‌మ‌ణ్యంతో ర‌వితేజ‌కు హీరోగా తొలి హిట్ ప‌డింది. ఇడియ‌ట్ తో మాస్ ఫాలోయింగ్ వ‌చ్చేసింది. అమ్మా నాన్న త‌మిళ అమ్మాయితో కుటుంబ ప్రేక్ష‌కుల‌కూ ద‌గ్గ‌రైపోయాడు. ఈ సినిమాల‌న్నీ పూరి నుంచి వ‌చ్చిన‌వే. ఆ త‌ర‌వాతొచ్చిన నేనింతే.. విమ‌ర్శ‌కుల ప్ర‌సంశ‌ల్ని ద‌క్కించుకొంది. దేవుడు చేసిన మ‌నుషులు ఫ్లాప్ అయినా... వీళ్లిద్ద‌రిదీ ఇప్ప‌టికీ క్రేజీ కాంబినేష‌నే. ప్ర‌స్తుతం పూరి.. కెరీర్‌లో చాలా క్లిష్టమైన ద‌శ అనుభ‌విస్తున్నాడు. ఎలాగైనా స‌రే, ఓ హిట్టు కొట్టి త‌న‌ని తాను నిరూపించుకోవాల‌నుకొన్నాడు. అందుకే ర‌వితేజ‌తో ఓ సినిమా చేద్దామ‌ని స‌ర్వం సిద్దం చేసుకొన్నాడ‌ట‌. `ర‌వితేజ మ‌నోడే క‌దా కాల్షీట్లు ఎప్పుడు కావాలంటే అప్పుడు ఇస్తాడ‌`న్న ధీమా పూరిది. అయితే పూరీ ముందే.. ర‌వితేజ తోక జాడించాడ‌ని తెలుస్తోంది. `ప్ర‌స్తుతానికి నేను బిజీ.. త‌ర‌వాత చూద్దాం `అంటూ ర‌వితేజ షాక్ ఇచ్చాడ‌ట‌. దాంతో పూరి... నివ్వెర‌పోవాల్సివ‌చ్చింది. ర‌వితేజ పారితోషికం దాదాపుగా రూ.7 కోట్ల‌కు పైమాటే. పూరి అయితే అంత ఇవ్వ‌డు.. ఇవ్వ‌లేడు. అందుకే.. పూరికి దూరంగా ఉంటున్నాడ‌ని తెలుస్తోంది. చిరు కాద‌న్న ఆటోజానీ సినిమాని ర‌వితేజ‌తో తీసి హిట్టుకొడ‌దామ‌ని పెద్ద ప్లాన్ వేశాడు పూరి. కానీ ర‌వితేజ మాత్రం పూరి కి నో చెప్పాడ‌ట‌. ర‌వితేజ మ‌రీ ఇంత డ‌బ్బు మ‌నిషైపోయాడా? అని పూరి సన్నిహితులు వాపోతున్నార్ట‌. ర‌వితేజ కాద‌న‌డంతోనే క‌ల్యాణ్‌రామ్ తో పూరి సినిమా చేయ‌డానికి ప్రొసీడ్ అయ్యాడ‌ని టాక్‌.