English | Telugu
పవన్ కళ్యాణే ఎందుకు టార్గెట్..?
Updated : Feb 18, 2016
దిల్ రాజు సూపర్ సక్సెస్ ఫుల్ ప్రొడ్యూసర్ గా పేరు తెచ్చుకున్నా, అతనికి ఒక లోటు ఉండిపోయింది. ఇప్పటికే చాలా సార్లు ఆ విషయాన్ని చెప్పాడు. డైరెక్ట్ గా పవన్ ముందే ఒక ఫంక్షన్లో అన్నాడు కూడా. కానీ ఇప్పటికీ పవన్ దిల్ రాజుకు ఆ అవకాశం ఇవ్వలేదు. తాజాగా కృష్ణాష్టమి ప్రెస్ మీట్ లో కూడా పవన్ గురించి మరోసారి ప్రస్తావించాడు దిల్ రాజు. తన జీవిత ధ్యేయం పవన్ తో సినిమా చేయడమేనంటూ స్టేట్ మెంట్ ఇచ్చాడు.
ఇంతకూ దిల్ రాజుకు ఎందుకు పవన్ తో సినిమా గురించి అంత ఆలోచన..? సినిమాను బిజినెస్ చేసుకోవడంలోనూ, అంచనా వేయడంలోనూ దిట్ట అని ఇండస్ట్రీలో దిల్ రాజుకు పేరు. పవన్ కున్న ఫాలోయింగ్ ను క్యాష్ చేసుకోవాలని రాజు ఆత్రమా..? పవన్ తో సినిమా తీసి భారీ లాభం వెనకేసుకోవాలనుకుంటున్నాడా..? దిల్ రాజు లాంటి సక్సెస్ ఫుల్ ప్రొడ్యూసర్ కు పవన్ ఎందుకు ఛాన్స్ ఇవ్వకుండా ఊరిస్తున్నాడు..? ఇవీ ఇప్పుడు సినీజనాల ముందున్న ప్రశ్నలు. దాదాపు తను వచ్చిన ప్రతీ ఫంక్షన్లోనూ పవన్ గురించి ఒక మాటైనా మాట్లాడుతున్నాడు దిల్ రాజు. పవన్ ఓకే అంటే, ఎంత బడ్జెట్ అయినా పర్లేదని కూడా క్లియర్ కట్ గా చెప్పేశాడు. ఇక సమాధానం మాత్రం పవన్ వైపునుంచే రావాలి. మరి పవన్ ఏం చేయబోతున్నాడో చూాడాలి.