హాస్యానికి రూపం ఉంటే ఆయనలాగే ఉంటుందేమో..ఆ ముఖం చూస్తే చాలు,తెలుగువారి ముఖం మీద నవ్వు ఖచ్చితంగా వస్తుంది..ఆయన కామెడీ టైమింగ్ విభిన్నం.ఆయన శైలి ఒక వైవిధ్యం..ఆయనలా నవ్వించడం మరొకరికి అసాధ్యం.దశాబ్దాలుగా తెలుగు సినీ ప్రేక్షకులకు పొట్టలుచెక్కలు చేస్తున్న ఆ హాస్యానందం పేరు బ్రహ్మానందం..ఈ రోజు ఆయన పుట్టినరోజు..ఈ సందర్భంగా, మన జీవితంలో ఆయన ఇచ్చే విచిత్రమైన హావభావాలు ఎక్కడెక్కడ కనిపిస్తుంటాయో సరదాగా చూద్దామా.

1. వీర భక్తుడు

మనలో చాలా మందికి ఈ ఫ్రెండ్ ఉంటాడు.వీడిది మామూలు భక్తి కాదండోయ్.దేవుడి ఫొటో కనిపిస్తే చాలు, ఫోటో ఊడి కింద పడేదాకా దణ్ణాలు పెడుతూనే ఉంటాడు..పక్కనోళ్లు ఏమనుకుంటారో వీడికనవసరం..బస్సులో వెళ్తున్నప్పుడు ఏ గుడో కనిపించిందంటే, బస్సు సీట్లోంచే మంత్రాలు చదివేస్తూ, పూజలు చేసేస్తాడు. తన భక్తితో, పక్కన ఉన్నోళ్లకు పిచ్చెక్కిస్తాడు. ఆ ఒక్కటీ పక్కన పెడితే, జనరల్ గా ఇలాంటి ఫ్రెండ్స్ పాపం చాలా మంచోళ్లు.

2. అంకుల్ బాబీ..

ఇలాంటి అంకుల్ మన పక్కింట్లోనో ఎదురింట్లోనో ఉంటూనే ఉంటాడు.అమాయకురాలైన భార్యే వీడికి ప్రధాన బలం.ఆమె ఇంట్లో ఉండగానే కథ నడిపించేస్తుంటాడు బాబీ అంకుల్. కానీ చిక్కడు, దొరకడు..

3. పిల్లి పద్మనాభ సింహా

గదిలో పెట్టి కొట్టినప్పుడు పిల్లికి వచ్చే ఫ్రస్టేషన్ కు ఒక షేప్ ఇస్తే, పద్మనాభ సింహా కనిపిస్తాడు..చాలా సంవత్సరాలుగా కుక్కిన పేనులా ఉండే భార్యాబాధితుల్లో ఎక్కువగా ఉంటాడీ క్యారెక్టర్..వాడు బయటికి రాడు..వచ్చాడంటే రచ్చ రచ్చే..

4. దొంగతనం రాని దొంగోడు

వీడికి దొంగతనం రాదు.కానీ చేయడం ఆపడు.దొరుకుతూనే ఉంటాడు.చేస్తూనే ఉంటాడు. ఏదో ఒకరోజు దొరక్కుండా దొంగతనం చేయాలన్నదే వీడి లక్ష్యం..

5. హడావిడి గజాలా

ఈ బ్యాచ్ అంకుల్స్ మనకి డైలీ తగులుతుంటారు.గొడవ జరిగితే మధ్యలో దూరిపోతారు..అక్కడ జరుగుతున్న గొడవతో వీడికి ఏమాత్రం సంబంధం ఉండదు..కానీ హడావిడి చేసేస్తుంటాడు.అవసరమైతే ఇద్దరు ముగ్గుర్ని కొట్టినట్టు బిల్డప్ ఇస్తాడు..అక్కడ వీణ్నెవడూ ఆపకపోయినా, నన్నాపకండి సార్ అన్నది వీడి మెయిన్ డైలాగ్..