English | Telugu
బాలకృష్ణ "ది లెజెండ్" ఇండియా టుడే కథనం
Updated : Mar 25, 2016
నందమూరి బాలకృష్ణపై ప్రముఖ జర్నల్ ఇండియా టుడే స్పెషల్ కథనాన్ని ప్రచురించింది. వందో సినిమాతో, చాలా తక్కువమందికి మాత్రమే సాధ్యమైన ఘనతను అందుకోబోతున్న బాలయ్య, తండ్రికి తగ్గ తనయుడని, ఎన్టీఆర్ లోని సుగుణాలను పుణికిపుచ్చుకుని నటనలోనూ, రాజకీయాల్లోనూ ఎవరికీ అందనంత వేగంగా దూసుకుపోతున్నారని అభివర్ణించింది. తన తరం హీరోల్లో, అటు పాలిటిక్స్, ఇటు సినిమాలు, మరోవైపు ప్రజాసేవ సక్సెస్ ఫుల్ గా కొనసాగిస్తున్న ఆల్ రౌండర్ హీరో బాలకృష్ణ అంటూ రాసుకొచ్చింది.
ఈ ప్రత్యేక సంచికను ఏపీ సచివాలయంలో, గురువారం చంద్రబాబు ఆవిష్కరించి మొదటి కాపీని బాలయ్యకు అందించారు. ఒకే వ్యక్తి గురించి అన్ని వివరాలూ ఒకే చోట చదవడం చాలా సౌకర్యంగా ఉంటుంది. ఇది భవిష్యత్ తరాలకు ఒక రిఫరెన్స్ లా ఉపయోగపడుతుంది అన్నారు చంద్రబాబు. అన్ని రంగాల్లోనూ నిష్ణాతులైన వారి మీద ఇలాంటి సంచికలు వస్తే చాలా బాగుంటుంది అన్నారు బాలయ్య. ఆయన గురించి బయటకు తెలియని ఎన్నో కోణాలను ఈ కథనం స్పృశిస్తుందని సమాచారం. బాలయ్య గురించిన అరుదైన ఫోటోలను, విషయాలను ఈ సంచికలో పొందుపరిచారట. గతంలో ఇండియాటుడే కవర్ పైకి తెలుగు హీరోల్లో చిరంజీవి, నాగార్జున, పవన్ కళ్యాణ్ మాత్రమే రాగలిగారు. లేటెస్ట్ గా ఈ లిస్ట్ లోకి జాయిన్ అయి, తన స్థాయి ఏంటో బాలయ్య చూపించారంటున్నారు నందమూరి అభిమానులు.