English | Telugu
బాలయ్య అంటే భయపడుతున్నాడు!
Updated : Feb 4, 2016
నందమూరి బాలకృష్ణ ఇప్పుడు వందో సినిమా కన్ఫ్యూజన్లో ఉన్నారు. చుట్టూ బోల్డన్ని ఆప్షన్లున్నాయి. వాటిలో ఏది ఎంచుకోవాలో అర్ఠం కావడం లేదాయె. సింగీతం శ్రీనివాసరావు, అనిల్ రావిపూడి, బోయపాటి శ్రీను... ఇలా దర్శకులు కొంతమంది బాలయ్య హిట్ లిస్టులో ఉన్నారు. ఆదిత్య 999 స్ర్కిప్టు రెడీగా ఉంది. బాలయ్య ఓకే అనడమే ఆలస్యం. 'రామారావుగారు' అనే పేరుతో అనిల్ రావిపూడి ఓ పొలిటికల్ సెటైర్ స్ర్కిప్టుని తయారు చేశాడు. అది కూడా బాలయ్యకు భలేగా నచ్చిందట. కానీ.. బాలయ్య దృష్టి మాత్రం బోయపాటి శ్రీనుపై ఉంది. ఇద్దరి కాంబినేషన్లో సింహా, లెజెండ్ వంటి సూపర్ డూపర్ హిట్లు వచ్చాయి. బాలయ్య పల్స్ పట్టేసిన దర్శకుడిగా బోయపాటికి క్రేజ్ వచ్చింది. అందుకే బాలయ్య కూడా బోయపాటితోనే సినిమా చేద్దామనుకొంటున్నాడు.
కానీ.. బోయపాటి మాత్రం బాలయ్య పేరు చెబితే భయపడిపోతున్నాడట. రెండు సినిమాల్లోనూ బాలయ్యతో ఎదుర్కొన్న ఇబ్బందుల దృష్ట్యా... 'ఆయనతో ఎందుకులే రిస్కు' అనుకొంటున్నాడని టాక్. దాంతో `నా దగ్గర కథేం లేదు. నాక్కొంచెం టైమ్ కావాలి` అని తప్పించుకోవడానికి ట్రై చేస్తున్నాడని గుసగుసలు వినిపిస్తున్నాయి. బాలయ్య వందో సినిమా అంటే విపరీతమైన ఒత్తిడి ఉంటుంది. అభిమానుల అంచనాలను తట్టుకోవడం కష్టం. అందుకే... వందో సినిమా విషయంలో దూరంగా ఉండాలన్నది బోయపాటి ఆలోచన. కానీ.. బాలయ్య మాత్రం 'సినిమా చేస్తావా, లేదా?' అంటూ గట్టిగానే అడగుతున్నాడట. దాంతో బోయపాటి నలిగిపోతున్నాడు.