English | Telugu
నెగెటివ్ రోల్ లో త్రిష..!
Updated : Nov 3, 2015
చెన్నై బ్యూటీ త్రిష ఒకప్పుడు తెలుగు, తమిళంలో అగ్రకథానాయికగా ఓ వెలుగు వెలిగింది. ఆ తరువాత నెమ్మదిగా ఆఫర్లు తగ్గినా మళ్లీ ఇప్పుడు వరుస సినిమాలు చేస్తూ మునుపటి కంటే ఎక్కువ గ్లామరస్ గా కనిపిస్తోంది. అయితే ఇన్ని సంవత్సరాలు హీరోయిన్ గా.. ఇతర పాత్రల్లో నటించిన త్రిష ఇప్పుడు నెగెటివ్ రోల్ లో నటించనుంది. సెంథిల్ కుమార్ దర్శకత్వంలో.. ధనుష్ హీరోగా నటించే సినిమాలో త్రిష కూడా నటిస్తుంది. అయితే ఈ సినిమాలో ధనుష్ ద్విపాత్రాభినయం చేస్తుండగా ధనుష్ కి జంటగా త్రిష, షాలినిలు నటిస్తున్నారు. అయితే ఈ సినిమాలో త్రిష పాత్ర నెగెటివ్ షేడ్ లో ఉంటుందట.. అంటే నరసింహ సినిమాలో రమ్యకృష్ణ చేసిన పాత్ర లాంటిదంట. మరి నరసింహ సినిమాలో రమ్యకృష్ణ చేసింది మాములు నటన కాదు.. నీలాంబరి పాత్రలో రమ్యకృష్ణ సూపర్ స్టార్ రజనీకాంత్ ను సైతం డామినేట్ చేసింది. ఒక రకంగా చెప్పాలంటే ఆ సినిమాలో ముందు రజనీకాంత్ కంటే రమ్యకృష్ణనే గుర్తొస్తుంది. మరి అలాంటి షేడ్ ఉన్న పాత్రలో ఇప్పుడు త్రిష నటించి ఎంతవరకూ మెప్పిస్తుందో చూడాలి.