English | Telugu
అజిత్తో నేను గొడవ పడలేదు-విశాల్
Updated : Apr 20, 2016
తెలుగు, తమిళ భాషాల్లో హీరోగా, ప్రోడ్యూసర్గా దూసుకుపోతున్న విశాల్ వివాదాలకు దూరంగా ఉంటాడు. సీనియర్లను గౌరవించడంతో పాటు తోటి హీరోలతో కలివిడిగా ఉంటూ ఫ్రెండ్లీ వాతావరణాన్ని క్రియేట్ చేస్తాడు. అలాంటి విశాల్ తమిళ సూపర్స్టార్ అజిత్ కుమార్తో గొడవ పడ్డాడంటూ మీడియాలో పుకార్లు బయలు దేరాయి. విశాల్ సెక్రటరిగా ఉన్న నడిగర్ సంఘం రీసెంట్గా నచ్చత్ర క్రికెట్ అనే టోర్నమెంట్ను అన్నీతానై చూసుకున్నాడు. నడిగర్ సంఘంకు ఓ బిల్డింగ్ ఏర్పాటు చేయాలనే లక్ష్యంతో ఫండ్ రైజింగ్ కార్యక్రమంగా జరిగిన ఈ టోర్నమెంట్ నిర్వహించారు. ప్రోగ్రామ్ అయిన తర్వాత సాయంత్రం అందరూ హీరోలు పార్టీ చేసుకున్నారు.
అయితే అనుకున్నంత స్థాయిలో స్టార్ క్రికెట్ సక్సెస్ కాకపోవడంతో విశాల్ బాగా అప్సెట్ అయ్యాడంట. ఆ కోపంలో అజిత్ సినిమాలోని ఓ పాట ప్లే అవుతుంటే విశాల్ దానిని ఆపేయమని అన్నారట. అజిత్కు, విశాల్కు ఏదో గొడవ జరిగిందని, అందువల్లే ఆయన పాటను విశాల్ ప్లే కాకుండా అడ్డుకున్నారని నడిగర్ సంఘంలో వదంతులు వ్యాపించాయి. ఈ మాట ఆనోట ఈనోట విశాల్ చెవిన పడటంతో ఆయన అంతెత్తున లేచారు. అలాంటిదేమీ లేదని, ఇలాంటి అర్థం పర్థం లేని రాతలు మానుకోవాలని చెబుతూ పుకార్లను ఖండించారు. తాను స్వయంగా చెప్పనివి ఇలా రాయడం సబబు కాదని మీడియాకు వార్నింగ్ ఇచ్చారు.