English | Telugu

Home  
Movie-News  
నాగార్జున ఎందుకో వెనకబడ్డాడు..!

నాగార్జున ఎందుకో వెనకబడ్డాడు..!

Updated : Jan 21, 2025

సీనియర్ స్టార్స్ చిరంజీవి, బాలకృష్ణ, వెంకటేష్, నాగార్జునను టాలీవుడ్ కి నాలుగు పిల్లర్స్ గా చెప్పుకునేవారు. ఈ నలుగురు స్టార్స్ బాక్సాఫీస్ దగ్గర ఎన్నో వండర్స్ క్రియేట్ చేశారు. ఈ తరం స్టార్స్ తోనూ పోటీపడుతూ సినిమాలు చేస్తున్నారు. అయితే బాక్సాఫీస్ లెక్కల పరంగా మిగతా ముగ్గురు సీనియర్ స్టార్స్ తో పోలిస్తే.. నాగార్జున ఎందుకనో వెనకబడిపోయాడనే చెప్పాలి. (Nagarjuna)

రాజకీయాల కోసం కొన్నేళ్లు సినిమాలకు బ్రేక్ ఇచ్చిన చిరంజీవి, 'ఖైదీ నెం.150'తో మళ్ళీ రీఎంట్రీ ఇచ్చారు. రీఎంట్రీ తర్వాత చిరంజీవి నటించిన ఆరు సినిమాలు విడుదల కాగా, అందులో నాలుగు సినిమాలు రూ.100 కోట్లకు పైగా గ్రాస్ కలెక్ట్ చేయడం విశేషం. పైగా అందులో 'సైరా నరసింహారెడ్డి', 'వాల్తేరు వీరయ్య' సినిమాలు రూ.200 కోట్ల మార్క్ ని కూడా అందుకున్నాయి. ఇలా ఇప్పటికీ బాక్సాఫీస్ దగ్గర సంచలనాలు సృష్టిస్తున్నారు చిరంజీవి. (Chiranjeevi)

ఇక బాలకృష్ణ విషయానికొస్తే.. సీనియర్ స్టార్స్ లో మరెవరికి సాధ్యంకాని విధంగా వరుస విజయాలతో దూసుకుపోతున్నారు. ఆయన నటించిన చివరి నాలుగు చిత్రాలు 'అఖండ', 'వీరసింహారెడ్డి', 'భగవంత్ కేసరి', 'డాకు మహారాజ్' రూ.100 కోట్లకు పైగా గ్రాస్ రాబట్టాయి. రీసెంట్ ఫిల్మ్ 'డాకు మహారాజ్' అయితే ఇప్పటికే రూ.160 కోట్లకు పైగా గ్రాస్ రాబట్టి, రూ.200 కోట్ల మార్క్ దిశగా పయనిస్తోంది. (Balakrishna)

చిరంజీవి, బాలకృష్ణకు ధీటుగా వెంకటేష్ కూడా బాక్సాఫీస్ దగ్గర వసూళ్ల వర్షం కురిపిస్తున్నారు. ఇప్పటికే 'ఎఫ్-2', 'ఎఫ్-3' సినిమాలతో రూ.100 కోట్ల గ్రాస్ మార్క్ ను అందుకున్నారు. ఇక రీసెంట్ మూవీ 'సంక్రాంతికి వస్తున్నాం'తో రూ.200 కోట్ల క్లబ్ లో చేరడం ఖాయమైంది. అంతేకాదు ఈ సినిమా కలెక్షన్ల జోరు చూస్తుంటే.. రీజినల్ సినిమాల్లో అత్యధిక వసూళ్లు రాబట్టిన సినిమాగా నిలిచినా ఆశ్చర్యంలేదు. (Venkatesh)

చిరంజీవి, బాలకృష్ణ, వెంకటేష్ తో పోలిస్తే నాగార్జున బాక్సాఫీస్ రేస్ లో కాస్త వెనకబడిపోయాడు. నాగార్జున నటించిన 'ఊపిరి' సినిమా రూ.90 కోట్లకు పైగా గ్రాస్, 'సోగ్గాడే చిన్ని నాయనా' సినిమా రూ.80 కోట్లకు పైగా గ్రాస్ రాబట్టినప్పటికీ.. ఆయన రీసెంట్ సినిమాలు భారీ వసూళ్లు రాబట్టలేకపోతున్నాయి. బంగార్రాజు రూ.60 కోట్లకు పైగా గ్రాస్ రాబడితే, నా సామి రంగ రూ.40 కోట్ల లోపు గ్రాస్ కి పరిమితమైంది. పైగా నాగార్జున సోలో హీరోగా సినిమాలు కూడా తగ్గిపోయాయి. ప్రస్తుతం 'కుబేర', 'కూలీ' వంటి సినిమాల్లో కీలక పాత్రలు పోషిస్తున్నారు. మరి నాగార్జున కూడా త్వరలోనే తాను హీరోగా నటించిన సినిమాతో రూ.100 కోట్ల గ్రాస్ క్లబ్ లో చేరతాడేమో చూడాలి.

« Prev
Next »

ఈ విషయంలో సినిమా పెద్దలు ఒక నిర్ణయం తీసుకోవాలి!

దీపం ఉండగానే ఇల్లు చక్కదిద్దుకోవాలి.. సినిమా రంగంలోని నటీనటులకు, సాంకేతిక నిపుణులకు ఇది సరిగ్గా వర్తిస్తుంది. దీన్ని పాటించకపోవడం వల్ల గతంలో ఎంతో మంది లెజెండ్స్‌ ఆర్థికంగా దెబ్బతిన్నారు. వారి జీవిత చరమాంకంలో ఎన్నో కష్టాలు అనుభవించారు. ఇది పాతతరానికి చెందిన నటీనటులకు బాగా వర్తిస్తుంది. ఎందుకంటే అలా నష్టపోయినవారు, చివరి దశలో అష్టకష్టాలు పడినవారు, ఆర్థికంగా ఆసరా లేక ప్రాణాలు కోల్పోయిన వారు ఎంతో మంది ఉన్నారు. 

అఖండ 2 ఆగినప్పుడు తెరవెనుక ఉంది వీళ్లే.. గంగాధర శాస్త్రి చెప్పిన పచ్చి నిజాలు  

నందమూరి నటసింహం గాడ్ ఆఫ్ మాసెస్ 'బాలకృష్ణ'(Balakrishana)పాన్ ఇండియా సిల్వర్ స్క్రీన్ వద్ద 'అఖండ 2'(Akhanda 2)తో కెరీర్ లోనే బిగ్గెస్ట్ హిట్ ని అందుకున్నాడు. దీంతో హిట్ ల శాతం తక్కువగా ఉన్న ప్రస్తుత సినీ యుగంలో వరుసగా ఐదు విజయాలని అందుకున్న హీరోగా  చరిత్రనే సృషించాడు . కలెక్షన్స్ పరంగా కూడా అఖండ 2 తొలి రోజు వరల్డ్ వైడ్ గా ప్రీమియర్స్ తో కలుపుకొని 59 .5 కోట్ల రూపాయిల గ్రాస్ ని అందుకోవడంతో అభిమానుల ఆనందానికి అవధులు లేకుండా పోతున్నాయి. మేకర్స్ కూడా త్వరలోనే రెండు తెలుగు రాష్టాల్లో సక్సెస్ సెలబ్రేషన్స్ ని జరుపుతున్నారు.

చిరంజీవి లేటెస్ట్ ట్వీట్ వైరల్.. ఆ సినిమాని ఉద్దేశించే చెప్పాడా లేక వేరేనా

మెగాస్టార్ చిరంజీవి(Chiranjeevi)ప్రస్తుతం 'మన శంకర వరప్రసాద్ గారు'(Mana Shankara Varaprasad Garu)తో బిజీగా ఉన్న విషయం తెలిసిందే. ఇప్పటికే రిలీజైన సాంగ్స్ తో పాటు ప్రచార చిత్రాలు ఒక రేంజ్ లో ఉండటంతో మూవీ గ్యారంటీ హిట్ అనే నమ్మకం అభిమానులతో పాటు ప్రేక్షకుల్లో ఏర్పడింది. విక్టరీ వెంకటేష్ గెస్ట్ రోల్ లో కనిపిస్తుండటం కూడా వాళ్ళ నమ్మకానికి కొండంత అండ. అనిల్ రావిపూడి(Anil Ravipudi)దర్శకుడు కావడం మరో ఆకర్షణ.   

Akhanda 2: ఫస్ట్ డే రికార్డు కలెక్షన్స్ 

గాడ్ ఆఫ్ మాసెస్ 'బాలకృష్ణ'(Balakrishna)మరోసారి సిల్వర్ స్క్రీన్ పై 'అఖండ 2'(Akhanda 2)తో తన సత్తాని చాలా స్పష్టంగా చాటుతున్నాడు. ప్రీమియర్స్ నుంచే ఫ్యాన్స్ తో పాటు మూవీ లవర్స్ భారీగా థియేటర్స్ కి పోటెత్తారు. దీంతో రెండు తెలుగు రాష్ట్రాలతో పాటు వరల్డ్ వైడ్ గా అఖండ 2 థియేటర్స్ దగ్గర పండుగ వాతావరణం కనిపించింది. మూవీ చూసిన అభిమానులు, ప్రేక్షకులు స్పందిస్తు 'అఖండ క్యారక్టర్ లో బాలయ్య తన కళ్ళతోనే క్యారక్టర్ యొక్క స్వరూపాన్ని ప్రదర్శించాడు. దీంతో మరోసారి బాలయ్య నట విశ్వరూపాన్నిచూసే అవకాశం లభించింది. బోయపాటి(Boyapati Srinu)బాలయ్య కాంబో మరో సారి మెస్మరైజ్ చేసిందని ముక్త కంఠంతో చెప్తున్నారు. దీంతో తొలి రోజు బాలకృష్ణ రికార్డు కలెక్షన్స్ ని తన ఖాతాలో వేసుకున్నాడు.

రాజు వెడ్స్ రాంబాయి ఓటిటి డేట్ ఫిక్స్! మరి ఫ్యాన్స్ ఏమంటున్నారు

గత నెల నవంబర్ 21 న థియేటర్స్ లో అడుగుపెట్టిన మూవీ రాజు వెడ్స్ రాంబాయి(Raju Weds Rambai). రొమాంటిక్ డ్రామాగా తెరకెక్కగా అఖిల్ రాజ్, తేజస్విరావు జంటగా నటించారు. నటించారు అనే కంటే వాళ్లిదరు  రాజు, రాంబాయి గా జీవించారని చెప్పవచ్చు. రెండు తెలుగు రాష్ట్రాల్లోనూ మంచి విజయాన్ని అందుకోవడంతో పాటు ఈ మధ్య కాలంలో ప్రతి ఒక్కరి హృదయాల్ని తాకిన సినిమాగా కూడా నిలిచింది.ముఖ్యంగా క్లైమాక్స్ చూసి బయటకి వచ్చి కన్నీళ్లు పెట్టుకున్న ప్రేక్షకులు ఎంతో మంది ఉన్నారు.

రోషన్ కనకాల ఆశలని మోగ్లీ 2025 నెరవేర్చిందా!లేదా!

ఎంతో మంది యాక్టర్స్ కి నటనలో ఓనమాలు దిద్దిన నటనాచార్యుడు దేవదాస్ కనకాల(Devadas kanakala). ఎన్నో చిత్రాల్లో కూడా నటించి ఆయా క్యారెక్టర్స్ కి ప్రాణ ప్రతిష్ట చేసాడు. కుమారుడు  రాజీవ్ కనకాల(Rajeevi Kanakala)సినీ రంగంలో తన సత్తా చాటుతు ముందుకెళ్తున్నాడు. ఎలాంటి క్యారెక్టర్ లో అయినా పరకాయప్రవేశం చేసి సదరు క్యారక్టర్ ని ప్రేక్షకుల మదిలో చాలా కాలం యాదుండేలా చెయ్యడంలో దిట్ట.

మోగ్లీ 2025 మూవీ రివ్యూ : హిట్టా,ఫట్టా!

బబుల్ గమ్ మూవీ తర్వాత'రోషన్ కనకాల'(roshan Kanakala)రెండు సంవత్సరాల గ్యాప్ తీసుకొని కలర్ ఫోటో దర్శకుడు సందీప్ రాజ్(Sandeep Raj)తో కలిసి ఈ రోజు మోగ్లీ 2025(Mowgli 2025)తో ప్రేక్షకుల ముందుకు వచ్చారు.రాజా సాబ్ నిర్మాత విశ్వప్రసాద్ మోగ్లీ ని నిర్మించడం స్పెషల్ ఎట్రాక్షన్.  సినిమాపై నమ్మకంతో  మేకర్స్ ఒక రోజు ముందుగానే ప్రీమియర్స్ కూడా ప్రదర్శించారు. మరి మూవీ ఎలా ఉందో చూద్దాం...

చిరంజీవి వర్సెస్ పవన్ కళ్యాణ్.. అసలేం జరుగుతోంది..?

మెగా బ్రదర్స్ చిరంజీవి, పవన్ కళ్యాణ్ ఒకరంటే ఒకరు ప్రేమగా ఉంటారు. అలాంటిది ఇప్పుడు ఈ అన్నదమ్ముల అప్ కమింగ్ సినిమాలకు సంబంధించిన అప్డేట్స్ కొత్త చర్చకు దారి తీస్తున్నాయి.

'అఖండ 2' ఫస్ట్ డే కలెక్షన్స్.. అఖండకు రెట్టింపు..!

'అఖండ 2: తాండవం'తో తాజాగా నందమూరి బాలకృష్ణ థియేటర్లలో అడుగుపెట్టారు. బోయపాటి శ్రీను దర్శకత్వంలో 14 రీల్స్ ప్లస్ నిర్మించిన ఈ మూవీ.. పాజిటివ్ టాక్ తో బాక్సాఫీస్ ని షేక్ చేస్తోంది. ప్రస్తుత ట్రెండ్ చూస్తుంటే రికార్డు ఓపెనింగ్స్ రాబట్టడం ఖాయమనిపిస్తోంది.

'అఖండ-2'లో శివుడిగా మెప్పించిన నటుడు ఎవరో తెలుసా?

నందమూరి బాలకృష్ణ, బోయపాటి శ్రీను కాంబినేషన్ లో రూపొందిన 'అఖండ 2: తాండవం' ప్రేక్షకుల ముందుకు వచ్చింది. థియేటర్లన్నీ శివాలయాలను తలపిస్తున్నాయి. అఖండగా బాలయ్య చేసిన తాండవానికి ప్రేక్షకులు ఫిదా అవుతున్నారు.