భారతీయ సినీ పాటల చరిత్రలో బాలీవుడ్ గాయకుడు 'సోనునిగమ్'(Sonu NIgam)కి ప్రత్యేక స్థానం ఉంది. 1993లో వచ్చిన 'ఆజా మేరీ జాన్' చిత్రంలోని 'ఓ ఆస్మాన్ వాలే' సాంగ్ ఆయన మొదటి పాట. ఆ తర్వాత హిందీతో పాటు బెంగాలీ, కన్నడ, తెలుగు, తమిళం, మరాఠీ, ఒరియా, గుజరాతీ, అస్సామీ, తుళు, మైథిలీ, నేపాలీ లాంటి పలు భాషల్లో పాడి ఎంతో మంది అభిమానులని పొందాడు. ఇప్పటి వరకు సుమారు ఆరువేల పాటలు వరకు పాడిన సోను నిగమ్ నాలుగు దశాబ్దాల నుంచి లైవ్ కన్సర్ట్ లో పాల్గొంటు అభిమానులని అలరిస్తు వస్తున్నాడు.

ఈ క్రమంలోనే రీసెంట్ గా బెంగుళూరు(Bengaluru)లో జరిగిన మ్యూజిక్ కన్సర్ట్ లో పాల్గొన్నాడు. వేరే లాంగ్వేజ్ కి సంబంధించిన పాట పాడుతుంటే, కన్నడం(kannadam)లోనే పాడాలని ఒక యువకుడు పదే పదే డిమాండ్ చేసాడు. దీంతో సహనం కోల్పోయిన సోను నిగమ్ వాదన చేస్తున్న వ్యక్తితో నాకు కూడా భాషపై అభిమానం ఉంది. కన్నడ భాషని గౌరవిస్తాను. కానీ బెదిరిస్తున్నట్టుగా మాట్లాడితే బాధ వేస్తుంది. ఇప్పుడు మీరు ఏం చేసారో అలాంటి కారణంగానే 'పహల్ గామ్' దాడి జరిగింది. ఖచ్చితంగా ఇలాంటి కారణంగానే జరిగింది డిమాండ్ చేసే ముందు కనీసం మీ ముందు ఎవరున్నారో చూడండి.

నేను అన్ని భాషల్లో పాటలు పాడినా కూడా, కన్నడ భాషలోనే ఎక్కువ మంచి పాటలు పాడాను. బెంగుళూర్ వచ్చిన ప్రతిసారి ఎంతగానో ప్రేమిస్తు ఒక కుటుంబ సభ్యుడులాగా ఆదరిస్తారు. కానీ ఆ యువకుడు బెదిరించినట్టుగా మాట్లాడటం నచ్చలేదు. ఆ యువకుడు పుట్టకముందే నుంచే కన్నడంలో పాటలు పాడుతున్నానని సోను నిగమ్ చెప్పుకొచ్చాడు. ఇక భాషని ఉద్దేశించి సోను నిగమ్ రెచ్చగొట్టే వ్యాఖ్యలు చేసాడని కన్నడ నాట కొంత మంది ఆయనపై కేసు నమోదు చేసినట్టుగా వార్తలు వస్తున్నాయి. సోను నిగమ్ స్వస్థలం హర్యానాలోని ఫరీదాబాద్.