English | Telugu
రుద్రమదేవికి మెగా ఓపెనింగ్
Updated : Oct 10, 2015
ఆంధ్రప్రదేశ్ తెలంగాణ రాష్ట్రాల్లో కలిపి మొదటి రోజు రుద్రమదేవికి రూ.9 కోట్లకు పైగా షేర్ రావడం విశేషం. గ్రాస్ రూ.12 కోట్ల దాకా వచ్చింది. ఓవర్సీస్ - ఇండియాలోని మిగతా రాష్ట్రాల్లో కలిపితే ఇంకో రూ.3 కోట్ల దాకా షేర్ కలెక్టయి ఉండొచ్చని అంచనా. తొలి రోజు నైజాం ఏరియాలో రూ.3.5 కోట్ల దాకా షేర్ వచ్చినట్లు అంచనా. ఇక్కడ దిల్ రాజు రూ.12 కోట్లకు ‘రుద్రమదేవి’ హక్కులు కొన్నాడు. సీడెడ్ ఏరియాలో రూ.1.55 కోట్ల షేర్ వచ్చింది. ఉత్తరాంధ్రలో రూ.67 లక్షలు వసూలయ్యాయి. గుంటూరులో ఒక్క రోజుకే రూ.కోటి రూపాయలకు పైగా షేర్ రావడం విశేషం. అక్కడ రూ.1.05 కోట్లు వచ్చాయి. తూర్పు గోదావరిలో రూ.81 లక్షలు - పశ్చిమ గోదావరిలో రూ.66 లక్షలు - నెల్లూరులో రూ.47 లక్షలు - కృష్ణాలో రూ.47 లక్షలు వసూలయ్యాయి. మొత్తం ఏపీ వరకు రూ.5.68 కోట్లు కొల్లగొట్టింది రుద్రమదేవి. రెండు తెలుగు రాష్ట్రాలు కలిపితే లెక్క రూ.9.18 కోట్లు తేలింది. ఓవర్సీస్ - మిగతా రాష్ట్రాల్లో తెలుగు వెర్షన్ ఎంత వసూలు చేసింది ఇంకా క్లారిటీ రాలేదు.