English | Telugu
సినీ నటుడు మోహన్ బాబు ఇంట్లో చోరీ!
Updated : Sep 25, 2024
ప్రముఖ సినీ నటుడు మంచు మోహన్ బాబు ఇంట్లో చోరీ జరిగింది. ఆయన ఇంట్లో పని చేసే నాయక్ అనే వ్యక్తి రూ. 10 లక్షలతో పారిపోయాడు. రెండు రోజుల క్రితం ఈ ఘటన జరిగినట్లు తెలుస్తోంది. మంగళవారం నాడు, చోరీకి పాల్పడిన పని మనిషి నాయక్ పై మోహన్ బాబు రాచకొండ పోలీసులకి ఫిర్యాదు చేశారు. కేసు నమోదు చేసి దర్యాప్తు చేపట్టిన పోలీసులు.. నాయక్ ని తిరుపతిలో అదుపులోకి తీసుకున్నట్లు సమాచారం.
గతంలోనూ మోహన్ బాబు ఇంట్లో చోరీ జరిగింది. 2019లో డబ్బులు, బంగారు ఆభరణాలు చోరికి గురైనట్టుగా ఆయన పోలీసులకు ఫిర్యాదు చేశారు. అంతేకాదు, 2022లో మోహన్ బాబు పెద్ద కుమారుడు, మూవీ ఆర్టిస్ట్ అసోసియేషన్ అధ్యక్షుడు మంచు విష్ణు కార్యాలయంలోనూ చోరీ జరిగింది. ఆ సమయంలో కూడా పోలీసులకు ఫిర్యాదు చేశారు.