English | Telugu
నేను రాజకీయాల్లోకి రావడం లేదు.. సినిమాలే ముద్దు!
Updated : Dec 29, 2023
ఆమె 90 వ దశకంలో చాలా పాపులర్ హీరోయిన్. ఆమె అందానికి, నటనకి, డాన్స్ కి ఫిదా కానీ భారతీయ సినీ ప్రేక్షకుడు లేడు. 17 ఏళ్లకే సినీ రంగ ప్రవేశంచేసి ఏక్ ధో తీన్ చార్ పాంచ్ చే సాత్ అనే సాంగ్ తో ప్రేక్షకులని ఉర్రుతలూగించింది. ఆమె ఎవరో కాదు మాధురి దీక్షిత్. కొన్ని రోజులుగా ఆమె నుంచి వినపడుతున్న రూమర్స్ కి నేడు చెక్ పడింది.
మాధురి దీక్షిత్ రాజకీయాల్లోకి రాబోతుందనే వార్తలు కొన్ని రోజుల నుంచి వస్తున్నాయి. వాటికి బలం చేకూర్చేలా బిజెపి అగ్ర నాయకుడు అమిత్ షా ఇటీవలే మాధురి దీక్షిత్ ని ఆమె ఇంట్లో కలిసాడు. దీంతో ఆమె బీజేపీ నుంచి ముంబై నగరంలో ఉన్న ఒక స్థానం నుంచి పోటీ చేస్తుందని అందరు ఫిక్స్ అయ్యారు. కానీ ఆమె ఇప్పుడు నాకు రాజకీయాలంటే ఇష్టం లేదని తేల్చి చెప్పింది. అసలు రాజకీయాలకి నేను పూర్తిగా విరుద్ధమని సినిమాల్లోనే కొనసాగుతానని కూడా ఆమె చెప్పింది.
తేజాబ్, సాజన్, రాజా, ఖల్ నాయక్, దిల్ తో పాగల్ హై, హమ్ అప్ కే హై కౌన్, దేవదాస్ లాంటి సూపర్ హిట్ చిత్రాల్లో నటించి లక్షలాది మంది అభిమానులని సంపాదించిన మాధురి దీక్షిత్ ప్రస్తుతం పంచక్ అనే మరాఠి చిత్రం లో నటిస్తు ఆ మూవీకి సంబంధించిన ప్రమోషన్స్ లో బిజీగా ఉంది.