English | Telugu
దేవిశ్రీని ఛాలెంజ్ చేసిన పవన్!
Updated : Nov 22, 2015
పవన్ కల్యాణ్ గొప్ప డాన్సరేం కాదు. తన లోని స్పీడ్ కంటే, ఈజ్కీ, స్టైల్కి ఎక్కువ ప్రాధాన్యం ఇస్తూ అతని స్టెప్పులు సాగిపోతుంటాయి. అవి అభిమానులకు నచ్చుతాయి కూడా. అయితే ఇప్పుడు సర్దార్ - గబ్బర్ సింగ్లో పవన్ కల్యాణ్ అదిరిపోయే స్టెప్పులు వేయబోతున్నాడట. దీనంతటికీ కారణం.. దేవిశ్రీ అందించిన ట్యూనే! సర్దార్ గబ్బర్ సింగ్ కోసం దేవిశ్రీ ప్రసాద్ అదిరిపోయే ట్యూన్ అందించాడట. ఆ పాట విని.. పవన్ లో హుషారొచ్చేసిందట. వెంటనే.. దేవిశ్రీని పిలిచి.. నువ్వు హుషారైన పాటిచ్చావు, అంతకంటే హుషారుగా స్టెప్పులేసి చూపిస్తా - కావాలంటే ఛాలెంచ్ అంటూ సవాల్ విసిరాడట. దాంతో దేవిశ్రీ కూడా తెగ ఖుషీ అయిపోతున్నాడట. అంతేకాదు, ఈ పాటని స్వయంగా పవన్ కల్యాణే ఆలపిస్తాడని తెలుస్తోంది. గబ్బర్ సింగ్ నుంచి పవన్ కాస్త స్టెప్పులపై దృష్టి పెట్టాడు. అత్తారింటికి దారేదిలోనూ మంచి స్టెప్పులే వేశాడు. ఈసారి మాత్రం సర్దార్తో కేక పుట్టించబోతున్నాడట. పవన్ అభిమానులకు అంతకంటే కావల్సింది ఏముంది??