గాడ్ ఆఫ్ మాసెస్ 'బాలకృష్ణ'(Balakrishna)బోయపాటి శ్రీను(Boyapati Srinu)కాంబినేషన్ లో తెరకెక్కుతున్న 'అఖండ 2'(Akhanda 2)షూటింగ్ ప్రస్తుతం శరవేగంగా జరుగుతుంది. బాలయ్య పద్మభూషణ్(Padmabhushan)అందుకున్న తర్వాత వస్తున్న మూవీ 'అఖండ 2 'నే కావడంతో చిత్ర యూనిట్ ప్రతి విషయంలోను ఎంతో జాగ్రతగా తీసుకొని తెరకెక్కిస్తోంది. కొన్ని రోజుల క్రితం విడుదలైన టీజర్ తో అయితే బాలయ్య మరోసారి రికార్డుల వేటకి సిద్ధమవుతున్నాడని అభిమానులతో పాటు ప్రేక్షకులు ఫిక్స్ అయ్యారు.

ఇప్పుడు ఈ మూవీలో 'జనని' అనే క్యారక్టర్ లో బాలీవుడ్ యువనటి 'హర్షాలీ మల్హోత్రా'(harshaali Malhotra)ఒక కీలక పాత్రలో కనిపించబోతుంది. ఈ మేరకు నిన్న మేకర్స్ అధికారకంగా ప్రకటిస్తూ ఫస్ట్ లుక్ ని రిలీజ్ చేసారు. ఇందుకు సంబంధించిన 'హర్షాలీ' పిక్స్ సోషల్ మీడియాలో వైరల్ గా మారాయి. సల్మాన్ ఖాన్, కబీర్ ఖాన్ కాంబోలో 2015 లో ప్రేక్షకుల ముందుకు వచ్చిన చిత్రం 'భజరంగీ భాయీజాన్'. ఈ మూవీలో 'మున్ని' అనే క్యారక్టర్ లో పాకిస్థాన్ కి చెందిన బేబీ గా కనిపించింది. అప్పుడు హర్షాలీ వయసు ఏడూ సంవత్సరాలు. చిన్న వయసు అయినా ఆ క్యారక్టర్ లో అద్భుతంగా నటించి ఎంతో మంది ప్రసంశలు అందుకుంది. బెస్ట్ ఫీమేల్ డెబ్యూ గా ఫిలిం ఫేర్ కి కూడా నామినేట్ అయ్యింది. దీంతో అఖండ 2 లో హర్షాలీ చెయ్యడం ప్రాధాన్యత సంతరించుకోవడంతో పాటు ఏ క్యారక్టర్ లో చేయబోతుందనే ఆసక్తి ఏర్పడింది. భజరంగీ భాయీజాన్ తర్వాత హర్షాలీ చేస్తున్న రెండో మూవీ అఖండ 2 నే కావడం విశేషం.

ఇక అఖండ 2 విజయదశమి కానుకగా సెప్టెంబర్ 25 న విడుదల కానుంది. సంయుక్త మీనన్(Samyuktha Menon)అది పినిశెట్టి లు కీలక పాత్రలు పోషిస్తుండగా బాలకృష చిన్న కూతురు తేజశ్వని తో కలిసి రామ్ ఆచంట, గోపి ఆచంట నిర్మిస్తున్నారు. థమన్ సంగీతాన్ని అందిస్తున్నాడు. బాలయ్య, బోయపాటి కాంబోలో ఇప్పటికే సింహా, లెజండ్, అఖండ వచ్చి ఎంతగా ఘన విజయాన్ని అందుకున్నాయో తెలిసిందే.