English | Telugu
అల్లు అర్జున్ బద్రీనాథ్ తొలి రోజు కలెక్షన్లు
Updated : Jun 10, 2011
అల్లు అర్జున్ "బద్రీనాథ్" తొలి రోజు కలెక్షన్లు భారీగానే ఉన్నాయని తెలుస్తూంది. వివరాల్లోకి వెళితే గీతా ఆర్ట్స్ పతాకంపై, స్టైలిష్ స్టార్ అల్లు అర్జున్ హీరోగా, మిల్కీవైట్ బ్యూటీ తమన్నా భాటియా హీరోయిన్ గా, డైనమిక్ డైరెక్టర్ వి.వి.వినాయక్ దర్శకత్వంలో, మెగా నిర్మాత అల్లు అరవింద్ నిర్మించిన భారీ బడ్జెట్ సినిమా "బద్రీనాథ్". అల్లు అర్జున్ "బద్రీనాథ్" సినిమా విడుదలకు ముందే భారీ అంచనాలు ఏర్పడ్డాయి. ఆ అంచనాలను అందుకోకపోవటంతో ఈ సినిమా ప్రేక్షకులను నిరాశపరచిందనే చెప్పాలి. అల్లు అర్జున్ "బద్రీనాథ్" సినిమాకి అయిన ఖర్చు 40 కోట్లని నిర్మాత అల్లు అరవింద్ మీడియాకు తెలిపారు.
తొలిరోజే మన ఆంధ్రప్రదేశ్ లోనే అయిదు వేల ఆరువందల స్క్రీన్లపై అల్లు అర్జున్ "బద్రీనాథ్" సినిమాని ప్రేక్షకులు చూశారు. ఈ సినిమా తొలి రోజు వసూలు చేసిన మొత్తం 7.52 కోట్లు (ఏడుకోట్ల యాభై రెండు లక్షల) ని తెలిసింది. అల్లు అర్జున్ "బద్రీనాథ్"సినిమా మొత్తం బడ్జెట్ 40 కోట్లలో తొలి రోజు ఈ సినిమా వసూలు చేసిన మొత్తం దాదాపుగా 18% వరకూ ఉండటం విశేషం. ఈ కలెక్షన్లు అల్లు అర్జున్ సినీ కెరీర్ లోనే అత్యధిక వసూళ్ళని తెలిసింది.