ఏప్రెల్ 30 న "అలా మొదలైంది" చిత్రం వంద రోజులు పూర్తి చేసుకోబోతోంది. వివరాల్లోకి వెళితే శ్రీ రంజిత్ మూవీస్ పతాకంపై, యువ హీరో నాని హీరోగా, నిత్య మీనన్ హీరోయిన్ గా, నందినీ రెడ్డిని దర్శకురాలిగా పరిచయం చేస్తూ, కె.యల్.దామోదర ప్రసాద్ నిర్మించిన విభిన్న ప్రేమకథా చిత్రం " అలా మొదలైంది". ఈ "అలా మొదలైంది" చిత్రం చిన్న చిత్రంగా మొదలై ఇంతింతై వటుడింతై అన్న చందంగా ప్రస్తుతం అతి త్వరలో అంటే ఏప్రెల్ ౩0 న వంద రోజులు పూర్తిచేసుకోబోతూంది.

ఈ చిత్రానికి లక్ష్మీ భూపాల్ వ్రాసిన చక్కని అర్థవంతమైన మాటలు, కళ్యాణి మాలిక్ వీనుల విందైన సంగీతం, నాని, నిత్య మీనన్ ల ముచ్చటైన నటన, నందినీ రెడ్డి కథ, స్క్రీన్ ప్లే, దర్స్వ్హకత్వం ఈ చిత్రాన్ని విజయపథంలో నడిపించాయని చెప్పవచ్చు. మా సినిమాకి నలభై కోట్లు ఖర్చుచేశాం చాలా రిచ్ గా తీశాం, పెద్ద పెద్ద సెట్లలో పాటలు చిత్రీకరించాం అని చెప్పుకునే సో కాల్డ్ మెగా నిర్మాతలకంటే చిన్న సినిమాని లిమిటెడ్ బడ్జెట్ తో నిర్మించి ఘనవిజయం సాధించిన కె.యల్.దామోదర ప్రసాద్ నిజానికి మెగా నిర్మాతని చెప్పాలి.

ఇక్కడ బడ్జెట్ ఎంత ఎక్కువ ఖర్చు చేశామన్నది ముఖ్యం కాదు. చిన్న బడ్జెట్ సినిమా అయినా విజయం సాధించిందా లేదా అన్నదే ముఖ్యమని నిర్మాతలంతా గుర్తుంచుకుంటే మన తెలుగు సినీ పరిశ్రమ పది కాలాలు పచ్చగా ఉంటుంది. ఈ సందర్భంగా "అలా మోదలైంది" చిత్రం ఘనవిజయం సాధించి వంద రోజులు పూర్తి చేసుకుంటున్న సమదర్భంగా ఈ చిత్రం యూనిట్ కు తెలుగువన్ శుభాకాంక్షలు తెలియజేస్తోంది.