వేరే ఏ బాషలోనైనా ఏదైనా సినిమా విజయం సాధిస్తే ఆ సినిమా రీమేక్ హక్కుల కోసం ఇతర బాషా సినిమాల దర్శక, నిర్మాతలు, హీరోలు పోటీ పడటం సాధారణ విషయమే. ఇపుడు మన తెలుగు టాప్ హీరోలు కూడా ఓ కన్నడ సినిమా గురించి పోటీ పడుతున్నారు.

ఇటీవలే కన్నడ బాషలో "ఉగ్రం" అనే చిత్రం విడుదలై ఘన విజయం సాధించింది. ఈ చిత్రాన్ని తెలుగులో రీమేక్ చేయాలని టాలీవుడ్ దర్శక,నిర్మాతలు పోటీ పడుతున్నారు. కానీ తాజా సమాచారం ప్రకారం ఈ సినిమా హక్కులను ప్రముఖ నిర్మాత దిల్ రాజు సొంతం చేసుకున్నాడని తెలిసింది. ఈ రీమేక్ లో హీరోగా ప్రభాస్ నటించనున్నాడని తెలిసింది. ప్రస్తుతం "బాహుబలి" చిత్ర షూటింగ్ లోఉన్న ప్రభాస్ ఈ చిత్రం తర్వాత కన్నడ రీమేక్ లో నటించనున్నాడని సమాచారం. ఈ రీమేక్ కు సంబంధించిన వివరాలు త్వరలోనే అధికారికంగా ప్రకటించనున్నారు.