అల్లు అర్జున్ హీరోగా సురేందర్ రెడ్డి దర్శకత్వంలో తెరకెక్కుతున్న "రేసుగుర్రం" చిత్ర ఆడియో విడుదల కార్యక్రమాన్ని మార్చి 14న విడుదల చేయడానికి సన్నాహాలు చేసారు. కానీ పవన్ కళ్యాణ్ తన రాజకీయాల గురించి మార్చి 14న తెలియజేయనున్నాడు. అందువల్ల ఈ ఆడియో కార్యక్రమాన్ని వాయిదా వేసే పనిలో ఉన్నారట చిత్ర యూనిట్. మార్చి 28న సినిమా విడుదల చేయాలని అనుకున్నారు కానీ ఈ అనుకోని పరిస్థితుల వలన ఆడియో విడుదలతో పాటు సినిమా విడుదల కూడా వాయిదా పడేలా ఉంది. ఒకవేళ ఇదే నిజమైతే ఈ సినిమాను ఏప్రిల్ రెండో వారంలో విడుదల చేయనున్నారు. లక్ష్మీనరసింహ ప్రొడక్షన్స్ బ్యానర్లో నల్లమలుపు బుజ్జి, కె.వెంకటేశ్వర రావు సంయుక్తంగా నిర్మిస్తున్నారు. తమన్ సంగీతం అందిస్తున్న ఈ చిత్రంలో శృతిహాసన్, సలోని కథానాయికలు.