నటసింహం నందమూరి బాలకృష్ణ సినిమా ఉంటే పవర్ ఫుల్ డైలాగ్స్, భారీ ఫైట్స్ ఆశిస్తారు ఆయన అభిమానులు. బాలయ్య గత చిత్రం 'అఖండ'లో కంటెంట్ తో పాటు అభిమానులు కోరుకునే అన్ని అంశాలు పుష్కలంగా ఉన్నాయి కాబట్టే ఆ సినిమా అంతటి విజయాన్ని అందుకుంది. బాలయ్య తరుపరి సినిమాలు కూడా అదే స్థాయిలో ఉండబోతున్నాయి.

బాలయ్య ప్రస్తుతం గోపీచంద్ మలినేని దర్శకత్వంలో ఓ సినిమా చేస్తున్న సంగతి తెలిసిందే. ఇప్పటికే విడుదలైన టీజర్ అందులో యాక్షన్ సన్నివేశాలు ఏ రేంజ్ లో ఉండబోతున్నాయో తెలియజేశాయి. ఆ తర్వాత అనిల్ రావిపూడి దర్శకత్వంలో చేయనున్న చిత్రంలోనూ భారీ యాక్షన్ సన్నివేశాలు ఉంటాయట. ముఖ్యంగా బాలయ్య ఇమేజ్ ని, ఆయన అభిమానులను దృష్టిలో పెట్టుకొని అనిల్ ఓ అద్భుతమైన బస్ సీక్వెన్స్ ని డిజైన్ చేశాడట. ఈ బస్ ఫైట్ సినిమాకే హైలైట్ గా నిలవనుంది అంటున్నారు.