ధనమున్నచో నీవు
ఘనమైన దైవంరా..!
శూన్యమైనచో నీవు
శునకం కన్నా హీనంరా..!

"డబ్బు డబ్బు డబ్బు 
ఇదేరా ఈ మనిషికున్న జబ్బు"..!
అన్న పోలన్న సుభాషితం..!
విన్న మీకు శుభోదయం...!!

పైసా పైసా కూడబెట్టి 
పొదుపు చేయుమురా..!
అర్థంలేని ఖర్చులుంటే
అదుపు చేయుమురా..!

"ఈ ఆర్థిక సూత్రమెరిగినవాడేరా
అందరికి దేవుడు ఆపద్భాంధవుడు"..!
అన్న పోలన్న సుభాషితం..!
విన్న మీకు శుభోదయం...!!

కాసింతైనా ముందుచూపులేక మీ
తాతముత్తాతలు మీ అమ్మానాన్నలు
కూడబెట్టిన ధనమంతా 
కూర్చుని తింటూ...ఉంటే...

మీ కళ్ళముందరే
కోట్లైనా తరిగిపోయేనురా..!
కొండలైనా కరిగిపోయేనురా..!
అన్న పోలన్న సుభాషితం..!
విన్న మీకు శుభోదయం...!!