అంబేద్కర్ అంటే....

ఉప్పెనలా తరలివచ్చిన 

లక్షలాదిమంది అభిమానులను

బౌద్ధంలోకి మార్చిన "అభినవ బుద్దుడు"

ఎందరో మేధావులతో నిండిన‌ జ్ఞానసభలో

భాస్కరుడిలా భగ్గుమన్న "పండితప్రకాండుడు"

ఎవరెన్ని విమర్శలు చేసినా విషం చిమ్మినా

ఎవరెన్నిఅవమానాలకు గురిచేసినా భరిస్తూ

ఎవరెన్నిరాళ్లు విసిరినా ఆ రాళ్లనే తానెక్కేందుకు 

మెట్లగా వాడుకన్న "స్థితప్రజ్ఞుడు రాజనీతిజ్ఞుడు"

ఎన్నిఎదురు దెబ్బలు తగిలినా సహనంతో 

సహిస్తూ చలించక, తలవంచక, భయపడక

వెన్నుచూపక, వెనుతిరగక, ముందుకే దూసుకుపోతూ

ఒక్కడే ఒక సైన్యంలా ఒంటరిగా పోరాడిపోరాడి గెలిచిన

వీరుడు శూరుడు మగధీరుడు "మహర్ పులి బాహుబలి"

పుట్టిననాటి నుండి గిట్టేవరకు

అట్టడుగున చిట్టచివర ఉన్న

తన అంటరానిజాతి సుఖసంతోషాలకోసం

సంక్షేమంకోసం విముక్తికోసం అన్నిరంగాల్లో 

అభివృద్ధికోసం తన రక్తాన్నిధారపోసిన

జీవితాన్ని అంకితం చేసిన మహాత్ముడు

మాహానుబావుడు "అరుణోదయ భాస్కరుడు"

మన గుండె గుడిలో నిలిచిన

మన వాడవాడలో విగ్రహమై వెలసిన

మహనీయుడు మహోన్నతుడు మన 

అందరి దేవుడు మన "అమరజీవి అంబేద్కరుడు"