తెలుగు పాటకు...జయహో..!

జయహో..! జయహో..!
తెలుగు పాటకు...జయహో..!
తెలుగు తల్లికి...జయహో..!
తెలుగు భాషకు...జయహో..!

తెలుగు అక్షరానికి...జయహో..!
తెలుగు సాహిత్యానికి...జయహో..!
తెలుగు నేలకు... జయహో..!
తెలుగు పౌరుషానికి... జయహో..!

ఖండాంతర ఖ్యాతి...
నార్జించిన తెలుగు జాతికి...జయహో..!
ఆర్ ఆర్ ఆర్ చిత్రశిల్పి శ్రీ రాజమౌళి
మిత్ర బృందానికి...జయహో..! 

భారతీయ చలనచిత్ర సీమకు
భారతమాతకు...
జయహో..! జయహో..!
ఎందుకు..? ఎందుకు..?

మన పచ్చి పల్లెటూరి
అచ్చతెలుగు జానపద గీతం
"నాటు నాటు" పాటను
ప్రపంచమంతా మొచ్చుకున్నందుకు..!

చుక్కల్లో చంద్రుడిలా
తేనెలూరే మన తెలుగు భాష 
విశ్వమంతా వెన్నెల
వెలుగులు విరజిమ్ముతున్నందుకు..!

అంతర్జాతీయంగా ప్రతిభావంతులకు
అరుదుగా దక్కే అత్యంత
ప్రతిష్టాత్మకమైన "ఆస్కార్ అవార్డు"
తెలుగువారికి దక్కినందుకు..!