నిన్నటి మన
"నాటు నాటు" పచ్చి
పల్లెటూరి తెలుగు పాట
బాషా బేధం లేకుండా
నేడు ప్రపంచం పాటగా మారింది

ప్రపంచమంతా "నాటు నాటు"
అంటూ ఒకటే...కలవరింత...
ఆ పాట వెండితెర మీద
కుర్రకారును వెర్రెక్కిస్తుంది
రామ్ చరణ్ జూనియర్ ఎన్టీఆర్
స్పెషల్ స్టైలిష్ స్టెప్పులతో
సినీ థియేటర్లు దద్దరిల్లిపోతున్నాయి

మన‌ తెలుగు జాతి గొప్పదనం ...
మన తెలుగు భాష తియ్యదనం...
మన తెలుగు నేల మట్టివాసన...
"నాటు నాటు" పాటలో నిండి
నిక్షిప్తమైఉన్నాయి అందుకే...

"బాహుబలి" చిత్రంతో తెలుగుజాతికి
ఖండాంతర ఖ్యాతిని ఆర్జించి పెట్టిన
పాన్ ఇండియా దర్శక దిగ్గజం
రాజమౌళి తన చిత్రం త్రిబుల్ ఆర్ కి
దక్కిన
మొన్న‌టి...
గోల్డెన్ గ్లోబ్ ...అవార్డుతో...
నిన్నటి...
సినీ క్రిటిక్స్ ....అవార్డుతో...
నేటి...
మన పచ్చి పల్లెటూరి
పాట "నాటు నాటుకు"
బెస్ట్ ఒరిజినల్ సాంగ్ కేటగిరీలో
"ఆస్కార్ అవార్డుతో "దర్శకశిల్పి
రాజమౌళి "హ్యాట్రిక్" కొట్టేశాడు

ఇది ప్రతి తెలుగువాడికి నవోదయం...
ఇది ప్రతి భారతీయుడికి శుభోదయం...
ఇది ఒక అపూర్వం... అనిర్వచనీయం...
ఆనందదాయకం...సదా చిరస్మరణీయం...