నిరాశ ఒక నిప్పుల కుంపటి"
నిరాశ వద్దు...
నిస్పృహ వద్దు...
నిట్టూర్పు వద్దు...
"నిరాశ ఒక నిచ్చెన" కాదు
"నిరాశ ఒక నిప్పుల కుంపటి"
అది నీ శక్తిసామర్థ్యాలను
దహించివేసే దగ్ధంచేసే
నీపై దండయాత్ర చేసే
నిన్ను దారిద్య్రంలోకి నెట్టివేసే
నీ"కళ్లకు కనిపించని ఓ ముళ్ళదారి"
అది అనకొండలా చుట్టేస్తే
ఇక నీవు ముందుకెళ్లలేవు
వెనక్కీ వెళ్లలేవు నీవొక బంధీవి
అది నీఉన్నచోటునే
"ఊబిగా" మారుస్తుంది
అందులోకి నిన్ను చేరుస్తుంది
అందుకే...
నిరాశనెప్పుడూ
బాధలభూతంలా భావించు..!
దాన్ని సుదూరంగా ఉంచు..!
చాటుమాటుగా కాటువేసే
సర్పంలా భావించు...దాన్ని
సప్తసముద్రాల్లో ముంచెయ్..!
నీకు సుఖశాంతులు ప్రాప్తిరస్తు...!
నీకు ఘనవిజయాలు సిద్ధిరస్తు...!
 |