ప్రతిభకు పట్టాభిషేకం...
ఆశాజీవికి ఈ ప్రపంచం
...ఒక సుందర నందనవనం
శ్రమజీవికి ఈ ప్రపంచం
...ఒక పోరాటం ఒక ఆరాటం
నిరాశజీవికి ఈ ప్రపంచం
...మోడువారిన ఒక వృక్షం
...పండి ఎండిన పొలం
...చుక్కలు లేని ఆకాశం
...అలల అలజడికి
...అల్లకల్లోలమైన ఓ కడలి
అందుకే ఓ మనిషీ ! నీవు
ఆశాజీవివా ? శ్రమజీవివా ?
నిరాశజీవివా? నిర్ణయించుకో !
చేసిన నీ శ్రమ చెడని పదార్థం !
ఇది ముమ్మాటికి పచ్చియదార్థం !
ప్రతిభనెవ్వరూ
...ప్రక్కకు నెట్టలేరు
నిప్పు నెవ్వరూ
...మూట కట్టలేరు
ప్రతిభకు జరుగుతుంది తప్పక
...పట్టాభిషేకం
కష్టజీవికి జరుగుతుంది తప్పక
...కనకాభిషేకం
అందుకే ఓ నిరుద్యోగి !
ఉద్యోగం రాలేదు వ్యధ చెందకు...
ఆశేశ్వాసగా సాగిపో ముందుకు...
 |