కోడిపుంజుల కాళ్ళకు 

కత్తులుకట్టేప్పుడు కాస్త ఆలోచించాలి

పాపం పుంజులు కత్తులు 

గుచ్చుకుంటున్నాసరే

రక్తం చిందుతున్నాసరే 

చివరంటా పౌరుషంతో పోరాడుతాయి 

ప్రాణాలు కోల్పోతాయి

మూగజీవుల ప్రాణాలతో ఆడే 

ఆ రాక్షస కీడకు ముగింపు పలకాలి

ఆనందంగా ఆమ్లెట్లు 

వేసుకుతినేప్పుడు కాస్త ఆలోచించాలి

కోడి గుడ్లు పెడుతుందే కాని 

ఆమ్లెట్లు వేసివ్వదు 

ఆమ్లెట్లు మనమే వేసుకోవాలి 

అలాగే భగవంతుడు

ఇచ్చిన చక్కని సమయాన్ని 

అందించిన బంగారు అవకాశాల్ని

చేజార్చుకోకుండా తెలివిగా సమయస్పూర్తితో

సద్వినియోగం చేసుకొని

విజయంకోసం మనమే 

విశ్వ ప్రయత్నం చెయ్యాలి