దొరబాబుల్లా

సూటుబూటు వేసుకొని 

ఖరీదైన కార్లలో తిరగడానికి

దోపిడిదొంగల్లా

దోచుకున్న డబ్బును స్విస్

బ్యాంకుల్లో దాచుకోవడానికి

ఫారెన్ ట్రిప్పులకెళ్లి

జల్సాగా తిరగడానికి

విలాసవంతమైన

విల్లాలు కొనుక్కోవడానికి

కోరినంత బంగారాన్ని కొని

బ్యాంకులాకర్లలో

భద్రంగా దాచిపెట్టుకోవడానికి

ఘోరమైన చావు ఛస్తే

పాలరాతితో తమ

ఘోరీలు కట్టుకోవడానికి

కొందరికి డబ్బులే ముఖ్యం కాని

పరులకొచ్చిన జబ్బులు కాదు

నిన్న ఓ వెలుగు వెలిగిన వీరు

రేపు ఊహించని రీతిలో

చెదలు పట్టిన చెట్టులా

కూలిపోయే మానులా

కుంగిపోయే నేలలా

పొంగిపోయేపాలలా

మునిగిపోయే పడవలా

ఆరిపోయే దీపంలా

అడ్రస్ లేకూండాపోతారు

అవమానాలపాలౌతారు

చితికిపోతారు

చిక్కుల్లోపడిపోతారు 

కారుచీకటిలో కలిసిపోతారు

కనుమరుగైపోతారు