ప్రజల కోసమే తన జీవితం
అంకితం చేసిన ఘనుడు
"త్యాగధనుడు"...మన గద్దరన్న

నీతిగా నిజాయితీగా
నిస్వార్థంగా నిప్పులా
పాటే ప్రాణంగా...
మాటే మంత్రంగా...
అగ్ని జ్వాలగా...రగిలిన
"బ్రతికిన మహానాయకుడు"...
"ప్రజాగాయకుడు" మన గద్దరన్న

శత్రువుల తూటాలు
గుండెల్లోకి దూరినా
భయపడక...మొండిధైర్యంతో
ఎర్రజెండా చేపట్టిన
గజ్జకట్టిన తొడగొట్టిన
దండుగట్టి కొండలనే ఢీకొట్టిన
"ప్రజాయుద్ద నౌక " మన గద్దరన్న

నిజాం నిరంకుశ
పాలకుల నెదిరించిన
వారి గుండెల్లో నిదురించిన
గాయపడిన పులిలా
విప్లవ వేదికలపై
గాండ్రించిన...గర్జించిన ...
విరుచుకుపడిన ఒక
"విప్లవ సింహం" మన గద్దరన్న

అమరుడైన అన్న గద్దరన్నకు
అశృనయనాలతో అర్పిద్దాం...
ఘనమైన నిజమైన నివాళి ....