ఈ ఆశల ఆరాటంలో 

ఈ జీవన పోరాటంలో 

కులరక్కసి కోరల్లో చిక్కి  

అలసి సొలసి పోయిన 

ఓ చిరుఉద్యోగులారా!

ఇకనైనా నిరాశ చెందక

నిజం తెలుసుకోండి!

ఈ కంప్యూటర్ యుగంలోనైనా 

కళ్ళు తెరుచుకోండి!

"ఎదగడానికి ఎందుకురా తొందర 

ఎదర బతుకంతా చిందర వందర"

అన్నాడని ఓ అమాయకపు కవి 

అడుగు వెయ్యడానికి ముందుకు 

అలా మీరు జంకుతున్నారెందుకు ?

లైఫ్ ఈజ్ నాట్ బెడ్ ఆఫ్ రోజెస్ 

బట్ బుష్ ఆఫ్ థాన్స్

అన్నాడని ఓ ఆంగ్ల కవి 

అడుగు వెయ్యడానికి ముందుకు 

అలా మీరు జంకుతున్నారెందుకు?

మీకన్నా చిన్నవారు మీవెంటే ఉన్నవారు 

మీకంటే ఎంతోఎత్తుకు ఎదిగిపోతూవుంటే

మీరెందుకు ఎదగలేక పోతున్నారు?

మీరెందుకు మత్తుగా ఉన్నారు ?మారకున్నారు ?

మీరెందుకు "మరుగుజ్జులుగా" మారుతున్నారు‌ ?

ఆలోచించండి అడుగులు ముందుకు వెయ్యండి