ఆ ప్రేమ ఎందుకు?

మనిషిలోని మానవత్వాన్ని

మేల్కొల్పేందుకు

ఈ ద్వేషమెందుకు ?

ప్రాణాలకు తెగించి ప్రత్రర్థులపై

ప్రతీకారం తీర్చుకునేందుకు

ఆ పరశురాముని గొడ్డలెందుకు?

అడవిలోని విషవృక్షాలను

తెగనరికేందుకు

ఈ మారణాయుధాలెందుకు?

యుద్ధములో శత్రువులను

హతమార్చేంచేందుకు

ఆగని ఆ కన్నీటి ధారలెందుకు?

20 మంది భారతమాత బిడ్డలు

మంచుకొండల్లో నేలకొరిగినందుకు

ఈ గులాబీ పూలెందుకు ?

దేశరక్షణకై ప్రాణాలర్పించిన

ఆ వీరజవాన్ల పాదపద్మాలపై చల్లేందుకు

అశృనయనాలతో శ్రద్దాంజలి ఘటించేందుకు

ఆ మెరుపుదాడు లెందుకు?

చైనా దురాక్రమణదారుల,గుండెల్లో

తూటాలు పేల్చేందుకు,గుణపాఠం నేర్పేందుకు

బద్దశత్రువులతో ఈ చర్చలెందుకు?

శాంతి పావురాలను ఎగుర వేసేందుకు

మంచుకొండల్లో రక్తపుటేరులను ఆపేందుకు