మీ చేతుల్లో

ఓ విద్యార్థీ ! గుర్తుంచుకో

నీవు నీతి నిజాయితీలేని

నీచకార్యాలకు పాల్పడినా

పరాయిదేశం పోయి ఏ రాయి విసిరినా

సూటిగా తగిలేది పగిలేది ఆవేదనతో

రగిలేది నీ గురువుగారి గుప్పెడుగుండే

తాను నేర్పింది ఒకటి నీవు నేర్చుకున్న దొకటని...

ఓ విద్యార్థీ ! గుర్తుంచుకో

నీవు అవినీతికి పాల్పడినా ప్రేమించిన

అమ్మాయిని మోసం చేసినా

అధిక కట్నాలకోసం కానుకల కోసం

తాళికట్టిన ఆకలిని వేధించినా 

వెతలకు గురిచేసినా వ్యధ చెందేది

బరువెక్కేదీ నీ గురువు సుతిమెత్తనిమనసే,

తాను చెప్పింది ఒకటి నీవు చేసింది మరొకటని...

కానీ, ఓ విద్యార్థీ !

నీకు బ్రతుకు దారినిచూపి

విలువైన జీవితపాఠాలెన్నో నేర్పి

తాను నేలపైనున్నా నీవు మాత్రం

వినువీధుల్లో విదేశాలలో

విమానాలలో విహరించాలని

నీవు వున్నస్థితి నుండి

అత్యున్నతశిఖరాలను అధిరోహించాలని

కలలు కనేది ఆ కలలు నిజమమైతే

"దీర్ఘాయువుష్మాన్ భవా" అని నిన్ను దీవించేది నీ గురుదేవుడే         

ఉప్పోంగేది ఆ గురువు గుప్పెడు గుండే

మురిసిపోయేది ఆ గురువు మూగమనసే

చెప్పిందే చేశావని ,నేర్పిందే నేర్చుకున్నావని,

నీవు గురువును మించిన శిష్యుడవైపోయావని...