ప్రేమించే
ప్రేమామయుడు...
కలువరి గిరిపై రక్తం
చిందించిన లోకరక్షకుడు...
మన ఘోరమైన పాపాలను
తన పరిశుద్ధ రక్తంతో కడిగి
మనలను పాపవిముక్తులను
చేసిన ఆ విమోచన కర్త...
మేఘారూఢుడై వచ్చువేళ
ప్రతినేత్రము ఆయనను చూచును

అల్ఫాయు
ఓమెగయు ఆయనే...
భూత భవిష్యత్
వర్తమాన కాలాలలో ఉండేది సర్వాధికారియైన ఆ ప్రభువే...
మహా తేజస్సుతో
ప్రకాశించేది ఆ నీతిసూర్యుడే...

మరణము మరియు
పాతాళలోకపు తాళపు చెవులు
ఆయన స్వాధీనములోనే ఉన్నవి...

మొదటివాడు...కడపటి వాడు...
నిత్యం జీవించువాడు ఆయనే...

మృతుడైననేమి
మూడవ దినమున
మృత్యుంజయుడై లేచి
యుగయుగములు
సజీవుడై యున్నాడు...

మృతులలోనుండి ఆది
సంభూతుడుగా లేచినవాడు...
భూపతులకు అధిపతియైన ప్రభువైన
యేసుక్రీస్తు నుండి కృపా కరుణ కనికరం
శాంతిసమాధానముల్ మీకు కలుగునుగాక