ఒకనాడు
కీర్తి కిరీటాలకోసం...
అందమైన స్త్రీలకోసం...
నీళ్ల కోసం నిధినిక్షేపాలకోసం...
రాజ్యాల కోసం...
రాజ్య సింహాసనాలకోసం...
భూమికోసం భుక్తి కోసం...
బానిస బ్రతుకుల విముక్తికోసం...
దారుణమైన దండయాత్రలు 
ఘోరమైన భయంకరమైన
యుద్ధాలు ఏళ్లతరబడి జరిగాయి

అమాయక ప్రజలను
ఊతకోచ కోయడం నిలబెట్టి
నిర్దాక్షిణ్యంగా కాల్చడం
యుద్ధాలతో ఏ సంబంధంలేని
అమాయకపు పిల్లలను
ఆడవారిని వృద్ధులను
బంధించడం హింసించడం

ప్రశ్నించే ప్రతిఘటించే
యువతీ యువకులను
బంధించడం వేదించడం
ఎదురు తిరిగితే వధించడం
విజయగర్వంతో విర్రవీగడం...

రాజులది రాజ్యకాంక్షే...
రాజులందరూ రాక్షసులే...
రాజుల చరిత్ర రక్త చరిత్రే...
రాజులందరికి రక్తదాహమే...
రాజులు సృష్టించేది రక్తపాతాలే...
రాజుల తలంపులు విషపూరితమే...