కరుడుగట్టిన
ఓ మణిపూర్
మతోన్మాదులారా
నైతిక విలువల
వలువలను ఊడదీసి
మానమే ప్రాణంగా బ్రతికే
మహిళలను నగ్నంగా
నడిరోడ్డుపై నడిపిస్తూ
వీరుల్లా విర్రవీగుతూ
వికటాట్టహాసం చేస్తూ
వికృతచేష్టలతో
చిత్ర హింసలకు గురిచేసే
ఓ అంధులారా
కామాంధులారా
ఆ స్త్రీ మూర్తుల్లో
మీ అక్కాచెల్లి మీ కన్నతల్లి
మీ కళ్ళకు కనిపించలేదా

సామూహికంగా
అత్యాచారం చేశారే
సాక్ష్యాలను దగ్గం చేశారే
ఆ సిగ్గుతో చితికి పోతుంటే
విలవిల లాడుతుంటే
ఉన్మాదులై ఊరేగించారే
పశువుల్లా ప్రవర్తించారే
మానవ మృగాలుగా మారారే
మానవత్వాన్ని మంటల్లో
కాల్చి బూడిద చేశారే