ఆహా ఏమి చాకచక్యం..?
సింపుల్ గా ఓ బ్లౌజ్ కొనబోతే
ఖరీదైన "కంచి పట్టుచీరే" కొనిపించాడు
"అప్పురేపు" అని వ్రాసి ఉన్నా...
"అయ్యగారి జేబు" ఖాళీగా ఉన్నా...
ఆహా ఆ షాపువాడిది
ఎంతటి చాకచక్యం..!
అర్ధాంగి ఆశ్చర్యం ..!
అంతరంగంలో
పొంగి పొరలే ఆనందం..!
ముఖాన ముసిముసి నవ్వులు..!
చాకచక్యమా నా బొందా..!
వొద్దు వొద్దు అనలేక
ఓకే అన్నాడీ పిరికిపంద...!
నీ అదృష్టం..! నా దురదృష్టం..!
నీవే...నక్కతోక
తొక్కొచ్చావో ఏమో
ఖరీదైన కంచిపట్టుచీర కొట్టేశావ్..!
నేనే...కుక్కతోక తొక్కొచ్చానో ఏమో
ఈ చీరల షాపులో చిక్కుకుపోయా..!
శ్రీవారి స్వగతం..!
qఅంతరంగంలో
అంతులేని ఆవేదన..!
ముఖాన మాత్రం
చెరగని చిరుమందహాసం..!
 |