గోకుతా నే గోకుతా అని

ఎవరి వెంట పడకు

ఎవరికి దురదపుడితే 

వాడేవద్దన్నా గోక్కుంటాడు 

అంటాడు అనుభవంతో మా నాన్న

గోచి పెడతా గోచి పెడతా 

అని ఎవరి వెంట పడకు

ఎవరి గోచి ఊడిపోతే వారే

వద్దన్నా పెట్టుకుంటారు 

అంటాడు తల నెరిసిన మా తాత

తాళి కడతా తాళి కడతా

అంటూ సెల్లో చెవిలో 

జోరీగలా నసపెట్టకు

కష్టపడడానికి ఇష్టపడేవాడు

కంటబడితే ప్రతి పడుచుపిల్లా

వద్దన్నా వెంటపడుతుంది 

అంటుంది అత్తగా మారబోయే మా అమ్మ

ఔనిదినిజం 

మగాడన్న వాడినే

రోషం ఉన్నవాడినే

మీసం రువ్వేవాడినే

ఆడపిల్ల అయస్కాంతములా ఆకర్షిస్తుంది

అటు ఇటుకాని అమాయకున్ని అసమర్థున్ని

ఆశపడే‌ ఆడపిల్ల ఈ భూమిమీద ఇంకా పుట్టనేలేదు

నేను వీరున్ని తప్పక విజయాన్ని  

సాధిస్తానన్న సాహసినే విజయం సైతం వరిస్తుంది

పోటీ అంటే భయపడి,పారిపోయే పిరికిపందనుకాదు