ప్రియా ! ఓ ప్రియా !

వద్దు వద్దు ! అనకు వెచ్చని వెన్నెల్ని

మనతో ముచ్చటలాడనియ్...పచ్చని

మన కాపురానికి వేయిపందిళ్ళు వేయనియ్

శృంగారంలో శృతిలయలు పలకనియ్

సంసారంలో సరిగమలు చిలకనియ్

అంబరాన చుక్కల్ని సంబరాన కులకనియ్

ప్రియా ! ఓ ప్రియా !

సదా నీ ఎదలో నన్ను నిదురించనియ్

తేనెకన్న తీయనైన నీ ఒడిలో నాకు తెలవారనియ్

భయపడకు ఉన్నానని నేనున్నానని వస్తున్నానని

నీ వెంటే నీడలా నీ కంటి పాపనై నీకు తోడుగా నీడగా ఉంటానని పంచభూతాల సాక్షిగా నేడు ప్రమాణం చేస్తున్నా

ప్రియా ! ఓ ప్రియా !

భయపడకు మాననిగాయాలకు

మందులేదని మరణాన్ని మందు అడక్కు

చున్నీని చుట్టుకోకు ఫ్యాన్ కు ప్రాణాలనర్పించకు

నీకొక తీపిజ్ఞాపకమై నిన్నటి నీ ప్రేమలేఖనై

వేకువనై నేవస్తాను...వెలుగురేఖనై విచ్చుకుంటాను

నీవే‌నిండిన నా హృదయాన్ని నీకు ఇచ్చుకుంటాను

మచ్చలేని స్వచ్చమైన నీ ప్రేమను పుచ్చుకుంటాను

ప్రియా ఓ ప్రియా ! నన్ను నమ్ము నా మాట నమ్ము !