నిన్నటి మన శతృవులే
నేటి మన స్నేహితులు
నేటి మన  స్నేహితులే
రేపటి మన ప్రాణ మిత్రులు
అంటూ కమ్మగా పలికిన
స్నేహానికి చిరునామా ఐన
ఓ అన్నా మీకు వందనం
మీ శుభ సందేశానికి అభివందనం

మంచితనమే మన ఆయుధం
సమానత్వమే మన ఆశయం
సంతోషమే మన సంపద
స్నేహమే మన శక్తి
కలుపుగోలుతనమే మన బలం
అంటూ వివేకానందలా పలికిన
మంచితనానికి మారుపేరైన
ఓ అన్నా మీకు వందనం
మీ శుభ సందేశానికి అభివందనం

పరులనుండి పైసా ఆశించక
మనస్ఫూర్తిగా సేవ చెయ్యాలి
కష్టాలలోవున్న వారిని
తక్షణమే ఆదుకోవాలి
హృదయపూర్వకంగా
చేయగలిగినంత
సహాయం చేయాలి
నేనున్నానన్న భరోసా నివ్వాలి
అంటూ క్రీస్తులా పలికిన
ప్రేమకు ప్రతిరూమైన
ఓ అన్నా మీకు వందనం
మీ శుభ సందేశానికి అభివందనం

పేదల్ని ప్రేమించాలి
పెద్దల్ని గౌరవించాలి
చిన్నవారిని ఆత్మీయంగా
పలకరించాలి
అజ్ఞానులకు బోధించాలి
అమాయకులకు
కనువిప్పు కలిగించాలి
ఓడిపోయిన వారిని ఓదార్చాలి
పడిపోయిన వారిని పైకి లేపాలి
శక్తి హీనులను చైతన్య పరచాలి
అంటూ జ్ఞానబోధ చేసిన
అంబేద్కర్ వీరాభిమానిఐన
ఓ అన్నా మీకు వందనం
మీ శుభ సందేశానికి అభివందనం