సిగ్గూలజ్జ అన్నది ఏ మాత్రం లేకుండా
నవ్వుతూ తిరిగే గుంటనక్కల్లారా !
గజ్జికుక్కల్లారా! గాడిదకొడుకుల్లారా !
కామంతో కళ్లు పొరలుకమ్మి
వావివరస మరచి మృగాల్లా ప్రవర్తించే
మూర్కుల్లారా!ముష్కరులారా !
కరుణ దయ జాలి ఇసుమంతైనా లేని
అంధులారా! కామాంధులారా !
రాక్షసులారా! రాబందులారా !
మీ కన్నబిడ్డల వయసున్న
బంగారు భవిష్యత్తు ముందువున్న
కమ్మని కలలు కంటున్న
అన్యంపుణ్యం ఎరుగని
అభం శుభం తెలియని అమ్మాయిల
ముందు ఎంతో మంచిగా నటించి
ఎన్నోమాయమాటలు చెప్పి ప్రలోభపెట్టి
ఏ ముళ్ల పొదల్లోకో తీసుకెళ్లి
భయపెట్టి బాధపెట్టి చిత్రహింసలకు గురిచేసి
కామంతో రగిలిపోతూ కోర్కెలు తీర్చుకొని
అరిస్తే పీకపిసికి ఎదురు తిరిగితే
కౄరంగా కొట్టి ప్రాణాలు తీసి
చచ్చిపోతే ఈడ్చుకెళ్ళి ఏపొదల్లోనో పారేసి
లేదంటే పెట్రోలుపోసి తగులబెట్టి రాజకీయనాయకుల అండతోనో
లంచాలు పుచ్చుకునే అధికారుల అండతోనో
దైర్యంగా తిరుగుతూ దర్జాగా బ్రతుకుతున్నా సరే
మీరు క్రూరులు !
కుక్కలకన్నాహీనులు !
మీరు నీచులు నికృష్టులు!
మీరు బ్రతికి ఉన్న శవాలతో సమానం!
మీరు చచ్చి నేరుగా నరకానికే వెళ్తారు
అక్కడ
మిమ్మల్ని సలసలకాగే నూనెలో వేస్తారు
మీ సూక్ష్మఅంగాలలో సూదులతో గుచ్చుతారు చెట్లకు కట్టేసి కాలిన సువ్వలతో
మీకు వాతలు పెడతారు మీ తోలుతీస్తారు
మీకింకా ఘోరాతి ఘోరమైన శిక్షలు విధిస్తారు
అని గరుడపురాణం ఘోషిస్తుంది
గుర్తుంచుకోండి ! ఇకనైనా
పశువుల్లా ప్రవర్తించకండి !
మనుషుల్లా జీవించండి !
ఏ మచ్చలేకుండ మరణించండి !
 |