ఉగాది అంటే...
సాహితీసందడే...
కవిసమ్మేళనాలే...
కవుల కలాల పండుగే...
కవికోకిలల కలయికలే...
ప్రేమపూర్వక పలకరింపులే...
కవుల కమ్మని కవితాగానాలే...
పసందైన పండితుల ప్రసంగాలే...
సాహితీమూర్తులకు...
సన్మానాలే...సత్కారాలే...
అంబరాన్నంటే సంబరాలే...

ఉగాది అంటే...
మరపురాని
మరిచిపోలేని
మధుర జ్ఞాపకాలే...
సుందర స్వప్నాలే...

ఉగాది అంటే...
ఆశాకిరణమే...
ఆశలపందిరిని
అల్లుకోవడమే...
కమ్మనికలలు కనడమే...

భవిష్యత్తొక
అక్షయపాత్రన్న
కొండంత ఆశతో
ఆత్మస్థైర్యంతో
సవాళ్ళనెదుర్కోవడమే... 
సమస్యలతో సతమతమౌతూ
సాహసంతో ముందుకు సాగడమే...

ముందున్నది
ముళ్ళబాటకాదు...
మరుమల్లెల తోటయని...
ఆశేశ్వాసగా సాగే ఒక అన్వేషణే...
ఉగాది అంటే...ఒక ఉషోదయమే...