యువకా..!
ఓ నవయువకా..!!
నీవు కలకాలం కవివై...
బ్రతకాలీ భువిపై...
అమాయకులకు అజ్ఞానులకు
అందించాలి...నీ నాలెడ్జీని..!
నిరుపేదలు కార్చే కన్నీటి కడలికి
నిర్మించాలి.....ఒక బ్రిడ్జీని..!!
నాడు ప్రభంజనమై చెలరేగింది
- ప్రతికలం..!
దానికి మన స్వాతంత్ర్యమే
- ప్రతిఫలం..!!
మెరిసే మేఘం జనులకిస్తుంది
- వర్షాన్ని..!
పలికే రాగం వీనుల కందిస్తుంది
- హర్షాన్ని..!!
తిరిగే హలం పండిస్తుంది
- పచ్చని పంటల్ని..!
కదిలే కలం అంతమొందిస్తుంది
- అవినీతి మంటల్ని..!!
ఓ యువకా..!
ఓ నవయువకా..!!
కనిపించలేదా
- కప్పులేని ఆ పూరి పాకలు..!
వినిపించలేదా నీకింకా
- నిప్పులాంటి ఆకలి కేకలు..!!
తప్పించువారి
పైకి వచ్చే ఆర్తి వెల్లువను..!
కప్పించుకో వారిచే కీర్తి శాలువను..!!
కాని ....
యువకా..!
ఓ నవయువకా..!!
వ్రాయకు కవిత్వం...
తెలుసుకోక వారి తత్వం...
దాగిఉండదు వారి ఎదలో దానవత్వం...
మంచిగంధమె వారియందలి మానవత్వం.
 |