ఆమె...అభిమానం...
పొందడం ఒక అదృష్టం...
అది పూర్వజన్మ సుకృతం...

ఆమె...ఆలోచనలు...ఊహలు...
అభివృద్ధికి సోపానాలు...

ఆమె...సమయస్ఫూర్తి...
అద్భుతం ఆశ్చర్యకరం...

ఆమె...ఉచితసలహాలు...
పాటిస్తే...ఉజ్వల భవిష్యత్తే...

ఆమె...సేవాభావం...
దయాగుణం...ఆచరణీయం...

ఆమె...దూరదృష్టి...గలది
ప్రతిది లోతుగా పరిశీలిస్తుంది...

ఆమె...క్షమాగుణం...
క్రీస్తునే గుర్తు చేస్తుంది...

ఆమె...మంచితనం...
మానవత్వం...అంతులేనిది...

ఆమె...కలుపుగోలుతనం...
భగవంతుడిచ్చిన ఓ వరం...

ఆమె...ప్రేమతత్వం...
మదర్ థెరిస్సానే మరపిస్తుంది...

ఆమె...ఓర్పు నేర్పు...
ఇతరుల్లో తెస్తుంది గొప్పమార్పు...

ఆమె...ఆతిథ్యం...
అతిరుచికరం...మరుపురానిది...

ఆమె...ఇచ్చే చక్కని
సలహాలు...ఆణిముత్యాలు...

ఆమె...ఇతరులకిచ్చే గౌరవం...
అంతులేనిది అతివిలువైనది...

ఆమె...లౌకికం...
చాకచక్యం...అంతుచిక్కనిది...

ఆమె...భక్తిభావం...
అపారం...నిజం నిత్యనూతనం...

ఆమె...శాంతం
సముద్రం కన్న మిన్న...

ఆమె...స్నేహానికి
చక్కని చిరునామా...

ఆమె...మా కంటికి
ఒక ఆశాజ్యోతి...

ఆమె...మా ఇంటికి...
ఒక ఆరనిదీపం...

ఆమె...పట్టుదల...
పట్టిందంటే...సాధించి తీరుతుంది...

ఆమె...సహనం...
సర్దుబాటుగుణం...ఊహకందనిది...

ఆమె...మంచికి...
మానవత్వానికి...నిలువెత్తు నిదర్శనం...

ఆమె...ఇచ్చే ఉత్సాహం...
ప్రోత్సాహం...వెయ్యేనుగుల బలం...

ఆమె...అనురాగం...
ఆప్యాయత...అమృతంతో సమానం...

ఆమె...కోపం...
క్షణికం ఓ నీటిబుడగలాంటిది...

ఆమె...ఎవరో కాదు
నా చిరునవ్వుల శ్రీమతి...

ఆమె...ఆ భగవంతుడు
నా కిచ్చిన ఒక బంగారుబహుమతి...