శుభోదయం...
ఒక ఆత్మీయ పలకరింపు...
ఒక చిరునవ్వుల చిలకరింపు...
అది ఒక అంతరంగ ఆవిష్కరణ...
అది నీ మిత్రబృందంచే...
ఆ అదృశ్యదైవం అందించే...
అపురూపమైన ప్రేమపూర్వక కానుక...

శుభోదయం...
అది నిష్కల్మషమైన
మంచికి ప్రతిరూపమైన నీ మిత్రుల
మదిమందిరం నుండి వచ్చే
మందార మకరంద స్నేహపరిమళం..!

మిత్రమా..! ఆస్వాదించు..!
అనిర్వచనీయమైన
అనుభూతి నీకు ప్రాప్తిరస్తు..!
అంతులేని ఆనందం నీకు సిద్ధిరస్తు..!

ఆ రోజంతా...
ఉల్లాసంగా...ఉత్సాహంగా...
సంతోష సాగరాన్ని నీవు
ఈదులాడుతూనే వుంటావు...

ఇంతకంటే ఇంకేం కావాలి...
ఆ చిరునవ్వులు చిందించే
ఈ శుభశుభోదయాన్ని అందించే
నీ ప్రాణమిత్రులంతా
పదికాలాలపాటు పచ్చగుండాలని
ఆ పరమాత్మను ప్రార్థించు...
వేకువనే వేడుకో...వేడుక చేసుకో...

ఇక ఆ దినమంతా ప్రతిక్షణం
నీ మనసునిండా
కోట్లు పోసి కొనలేని ప్రశాంతతే...
నీ జీవితం
కోటి సూర్యప్రభల ప్రకాశవంతమే...