వెలిగినంత
సేపు చిరుదీపం...
వెలుగులు విరజిమ్మేనులే..!
చిమ్మచీకటిని తరిమేనులే..!
ఆపై ఆరిపోయి తిరిగి
ఆ చీకటి ఒడిలోనె చేరేనులే..!
ఔను ఇది నిజమేనులే..!

లేవయసులో...
ఒళ్ళంతా కులుకేనులే..!
వయసు కరిగిన అందం తరిగిన
విధి జీవితాన విషాదం చిలికేనులే..!
ఔను ఇది నిజమేనులే..!

జీవితమంటే...
చీకటి వెలుగేనులే..!
ఓటమి గెలుపేనులే..!
తెలుపు నలుపేనులే..!
ఔను ఇది నిజమేనులే..!

మిడిమిడిఙ్ఞానంతో పడిలేస్తూ...
ప్రతిరోజు పరుగేనులే..!
మిడిసిమిడిసి పడేది
మిణుగురు పురుగేనులే..!
ఆపై మిగిలేది ఆపరమాత్మ
ఆఖరి పిలుపేనులే..!
ఔను ఇది నిజమేనులే..!