అల్లాకోరునా
అల్లకల్లోలం...లేదే
మరి తాలిబాన్లెందుకు
త్రాచుపాముల్లా
బులుసు కొడుతున్నారు ?

పగబట్టి
ఇంటింటి
తలుపుతట్టి
కనిపించిన శత్రువునల్లా
కసిగా కాటు వేస్తున్నారు
పులుల్లా వెంటాడి వేటాడి
నిర్ధాక్షిణ్యంగా పిట్టల్లా
కాల్చి చంపేస్తున్నారు

అందరిదీ...ఒకే రక్తం
అందరిదీ...ఒకే జాతి
అందరి...దైవం ఒక్కరే
అందరి ప్రార్థన...ఒక్కటే
ప్రపంచాన ప్రతిమనిషి
జీవితాన శాంతి శాంతి శాంతి
ఎందుకో ?మరెందుకో ?
ఈ కక్షలు‌...కార్పణ్యాలు ?
ఈ రగిలే పగలు...ప్రతీకారాలు?
ఈ దారుణ...మారణహోమాలు?
ఎందుకు ? ఎందుకు ? ఎందుకు?

జీహాద్ పేర‌ నడిరోడ్డుపై ఆ నరమేధం
ఎందుకు? ఎందుకు? ఎందుకు ?
ఈ అరాచకత్వానికి...ఈ అల్లకల్లోలానికి
అసలు కారణం ఎవరికెరుక ఆ అల్లాకు తప్ప