మీకు ఎప్పుడైనా వృద్ధులు ఎదురైతే...?
హద్దులు దాటకండి
అమర్యాదగా చూడకండి
సానుభూతి చూపకండి
తక్షణ సహాయం చేయండి...
వారి ఆకలిని తీర్చండి...
వారి అవసరాలు తీర్చండి...
మీకు మేమున్నామన్న
ఓ భరోసా నివ్వండి...
చిరునవ్వుల
గంధం వారిమీద
చిలకరించండి
ప్రేమను పంచండి
ప్రేమతో పలకరించండి...
వీలైతే ఆలింగనం చేసుకోండి
గుండెకు గట్టిగా హత్తుకోండి
మీ మదిలో చిత్రించుకోండి
రేపటి మీ వృద్ధాప్యచిత్రాన్ని...
వారి చిట్టచివరి
కోరిక ఒక్కటే ఒక్కటే...
చిరునవ్వులు చిందిస్తూ...
కన్నుమూసి కాటికెళ్ళాలని...
చింతలేకయే చితికి చేరాలని...
ప్రశాంతంగా నిర్మలంగా నిశ్చలంగా
ఆ పరమాత్మలో ఐక్యమైపోవాలని...
 |