కవిని నేను... కాస్త జాగ్రత్త..!
కవిని నేను...కలం పట్టానంటే...
కస్సుబుస్సు మనను...
కాటువేయను కడుపుమీద కొట్టను
కానీ...పంతానికి వస్తే మాత్రం
అక్షరాలతో అంతంచేస్తా..!
కవిని నేను...కలం పట్టానంటే...
పట్టుబట్టి గుట్టంతా రట్టు చేస్తా..!
కవిని నేను...కలం పట్టానంటే...
కడుపులో పేగుల్ని లెక్కపెడతా.!
కవిని నేను...కలం పట్టానంటే...
మానవత్వాన్ని మరచినవారికి...
మౌనంగా మరణశాసనం లిఖిస్తా..!
కవిని నేను...కలం పట్టానంటే...
కంటిచూపుతో శతృవుల్ని ఖతం చేస్తా..!
కవిని నేను...కలం పట్టానంటే...
సమాజంలో రుగ్మతలను సమాధి చేస్తా..!
కవిని నేను...కలం పట్టానంటే...
కమ్మనికలలు కంటాను...
పచ్చదనాన్ని ప్రేమిస్తాను...
మోడువారిన బ్రతుకుల్ని చిగురింప జేస్తా..!
 |