ఓ బుద్ధి లేని
ఓ వృద్ద దంపతులారా..!
అదిగో...ఆ జంటను చూడండి..!

ఒకరిని ఒకరు...ఎత్తుకుని
హృదయానికి...హత్తుకొని
మత్తుగా...గమ్మత్తుగా
ఆనందంగా...పరమానందంగా

తృప్తిగా...ఆత్మ తృప్తిగా
హాయిగా...ప్రశాంతంగా
సంతోషంగా ఒకరికి ఒకరు
తోడుగా ఒక నీడగా ఉంటూ...

సహనంతో...
సమానత్వంతో...
సర్దుబాటుగుణంతో...
మంచితనంతో మానవత్వంతో...

కడుపులోని కక్షలను
కడిగేసుకుంటూ...
ఆదర్శ దాంపత్యం వైపు
అడుగులేసుకుంటూ...
వున్న ఆ వృద్ద జంటను...

ఆదర్శంగా తీసుకుంటే తప్పేముంది?
ఆత్మతృప్తితో రేపు అస్తమించడం తప్ప...